ტესტი: ენკანტოს რომელი პერსონაჟი ხარ?

გამორჩეული პერსონაჟები, საოცარი თავგადასავალი და დაუვიწყარი სიმღერები — დისნეის ანიმაცია, სახელად ენკანტო ჯადოსნურ სახლში მცხოვრები მადრიგალების ოჯახის შესახებ მოგვითხრობს, რომლის თითოეული წევრი განსაკუთრებულ უნარს ფლობს. გამონაკლისი მხოლოდ ანიმაციის მთავარი გმირი მირაბელია, რომელიც ოჯახისა და სახლის გადარჩენას ცდილობს.

თუ ენკანტოს სიმღერები შენც აგეკვიატა და საყვარელი პერსონაჟების თავგადასავლები არ გბეზრდება, გააკეთე ტესტი და გაიგე, საოცარი მადრიგალების ოჯახის რომელი წევრი ხარ:

აირჩიე განსაკუთრებული უნარი, რომელიც გინდა, რომ გქონდეს:

აირჩიე ეპითეტი, რომლითაც გარშემომყოფები დაგახასიათებდნენ:

რომელია შენი საყვარელი სიმღერა ენკანტოდან?

ოჯახის წევრები საიდუმლოს გიმალავენ. რას იზამ?

რისი გეშინია ყველაზე მეტად?

აირჩიე ფერი:

რას აკეთებ თავისუფალ დროს?

რომელ პერსონაჟთან ერთად იმღერებდი დუეტს?

ოჯახის წევრებმა გაწყენინეს. რას იზამ?

რა არის შენი ყველაზე დიდი სისუსტე?

ტესტი: ენკანტოს რომელი პერსონაჟი ხარ?

შენი შედეგია: მირაბელი

Disney

პოზიტიური, ცნობისმოყვარე და მზრუნველი ხარ. შენთვის ოჯახი ყველაზე მნიშვნელოვანია, ამიტომ ოჯახის წევრების გამო წყენას ხშირად უხმოდ იტან. ზოგისთვის არაფრით გამორჩეული ხარ, რადგან უხილავი, თუმცა ყველაზე მნიშვნელოვანი ნიჭი გაქვს — სიყვარულისა და ზრუნვის უნარი.

შენი შედეგია: ლუიზა

Disney

ოჯახის მთავარი იმედი და საყრდენი ხარ. მუდამ ირგვლივმყოფების პრობლემების მოგვარებით ხარ დაკავებული, რის გამოც ყველას დაუმარცხებელი ჰგონიხარ. სხვათა მოლოდინების გამო სულ გეშინია, რომ ყველას იმედს გაუცრუებ, თუმცა გახსოვდეს: შენც გაქვს სისუსტის გამოჩენისა და დასვენების უფლება. ამის გამო არავინ გადაგიყვარებს!

შენი შედეგია: იზაბელა

Disney

ირგვლივმყოფები მუდამ გაქებენ, ამიტომ ყოველთვის ცდილობ, მათი იმედები გაამართლო და იდეალური იყო. გგონია, რომ შეცდომების დაშვებისა და სისუსტის გამოჩენის უფლება არ გაქვს. არ დაგავიწყდეს, რომ საკუთარი თავის საუკეთესო ვერსია მაშინ ხარ, როცა შენი ნამდვილი ფერების გამოჩენის არ გეშინია!

შენი შედეგია: ბრუნო

Disney

ძალიან მორცხვი და დაბნეული ხარ, რის გამოც საკუთარი ფიქრებისა და გრძნობების გამოხატვა გიჭირს და ვერც სხვები გიგებენ. ადამიანები "უცნაურს" გიწოდებენ, თუმცა ჩვენ ვიცით, რომ ყველაზე კეთილი და მზრუნველი ხარ, ამიტომ ყველამ უფრო ხშირად უნდა გახსენოს!

შენი შედეგია: დოლორესი

Disney

ჩუმი, მაგრამ დაკვირვებული ხარ. შენს ყურებს ვერაფერი გამოეპარება, ყველას საიდუმლო იცი, თუმცა მათი შენახვა გიჭირს. სხვებს მორცხვი ჰგონიხარ, თუმცა შენს სიმშვიდეში სიმტკიცეც იმალება: ყოველთვის ზუსტად იცი, რაც გინდა და ყველას საყვარელი პერსონაჟის ტიტულსაც ამაყად ატარებ.

შენი შედეგია: პეპა

Disney

იმპულსური და ცვალებადი ხასიათი გაქვს. შენს განწყობაზე ნებისმიერი წვრილმანი მოქმედებს. ხან საავდრო ღრუბელი ხარ, ხანაც — ცხრათვალა მზე. ამის გამო ყველა თავს გევლება და გაჯერებს, რომ სულ კარგ ხასიათზე უნდა იყო. არადა, წვიმასა და ემოციების გამოხატვაში ცუდი არაფერია! შეგიძლია, თამამად იქუხო!

ამავე თემაზე:

ბოლო ამბები:

გირჩევთ