ირანის ყოფილი პრეზიდენტი მაჰმუდ აჰმადინეჯადი საპრეზიდენტო არჩევნებზე დარეგისტრირდა. ინფორმაციას ალ-ჯაზირა ავრცელებს.

ექსპრეზიდენტის გადაწყვეტილება უამრავი ადამიანისთვის მოულოდნელი იყო, რადგან აჰმადინეჯადი მანამდე აცხადებდა, რომ ის 19 მაისის არჩევნებში მონაწილეობას არ მიიღებდა.

ქვეყნის ყოფილი ლიდერი არჩევნებში მონაწილეობაზე უარს მისი ყოფილი თანაშემწის, ჰამიდ ბაგაეის, სასარგებლოდ ამბობდა და აცხადებდა, რომ საპრეზიდენტო არჩევნებში სწორედ მას დაუჭერდა მხარს.

მაჰმუდ აჰმადინეჟადი ირანის პრეზიდენტი 8 წლის განმავლობაში, 2005-2013 წლებში, იყო.