დღეს, 29 მაისს, ძლიერმა სეტყვამ და წვიმამ ადიგენში, სოფელ ვარხანში 20-მდე საცხოვრებელი სახლი დატბორა. ამის შესახებ, რუსთავი 2 იუწყება. გუბერნატორის განცხადებით, სტიქიამ შინაური ფრინველი და პირუტყვი დახოცა, ასევე განადგურდა ნათესები.

ტელეკომპანიასთან სატელეფონო ინტერვიუსას, სამცხე-ჯავახეთის გუბერნატორმა აკაკი მაჭუტიძემ განაცხადა რომ დაზარალდა სოფელი უნწაც. მისი თქმით, ამჟამად სამაშველო სამსახურის თანამშრომლები სახლებიდან წყალს ტუმბავენ.