დროას ლიდერის, ელენე ხოშტარიას განცხადებით, არც არასრულწლოვნების, არც შშმ პირების და არც პოლიციის ძალადობის პრობლემა არსად გაქრება, სანამ ფუნდამენტს არ შეიცვლება. მისი თმით, საზოგადოება უნდა ეცადოს, რომ ერთმა ამბით მეორე არ გადაიფაროს და ყველა პრობლემას ბოლომდე მიყვეს.

"ლუკა სირაძის ამბავზეც დაიჭირეს ცოტა ხნით მხოლოდ ერთი ადამიანი! მერე გადასარევად გამოუშვეს და ვინც დასასჯელი იყო ახლა დადის და ვის ურტყამს კაცმა არ იცის. ჩვენ კი არ უნდა გვიაწამლოს ოცნებამ, გავალთ წამოვალთ დაგვავიწყდება. ჩვენ უნდა მივხვდეთ, რომ ბოლომდე მივყვეთ და ერთმა უსამართლობამ მეორე არ გადაფაროს.

წულუკიანი რასაც კულტურაში შვება პირდაპირ კავშირშია ძალადობის და უსამართლობის წახალისებასთან. დევნილებს რაც ჭირთ, ამაზე თვალის დახუჭვა პირდაპირ აწესებს უსამართლობას და სისასტიკეს. ლექსო ლაშქარავას ამბავი არსად წასულა. არც არასრულწლოვნების, არც შშმ პირების არც პოლიციის ძალადობის პრობლემა არსად გაქრება, სანამ ფუნდამენტს არ შევეხებით", — წერს ხოშტარია.

კადრები, სადაც ჩანს, რომ პოლიციელი მოქალაქეს სცემს, გუშინ, 24 იანვარს გავრცელდა. თავდაპირველად, ვიდეო ერთ-ერთი მეტროსადგურის ესკალატორზეა გადაღებული, სადაც არასრულწლოვნის თანმხლები პირები პოლიციელს ეუბნებიან, რომ ის ყრუ-მუნჯია, რაზეც პოლიციელი პასუხობს:

"ყრუ-მუნჯია? რომ ავალაპარაკო ახლა? [...] აი, ახლა უნდა ავალაპარაკო".

გუშინ, 24 იანვარს ქართული ოცნების ოფისთან აქცია გაიმართა, რის შემდეგაც ისინი მსვლელობით შინაგან საქმეთა სამინისტროსკენ წავიდნენ. მათ თან ჰქონდათ ბანერი "მწამებელი სისტემა".

სახელმწიფო ინსპექტორის განცხადებით ფაქტზე დაკავებულია 2 პოლიციელი. მისივე ინფორმაციით, გამოძიებით დადგინდა, რომ პოლიციელმა ფიზიკურად 17 წლის შეზღუდული შესაძლებლობის პირზე იძალადა. შედეგად, მან დაზიანებები თავისა და სახის არეში მიიღო. ასევე, განიცადა ძლიერი ფიზიკური ტკივილი და თავი დამცირებულად იგრძნო.