2022 წელს ბაზარზე გავლენას არაერთი ფაქტორი მოახდენს. ეკონომიკურ გარემოში, რომელსაც მასზე მოქმედი ფაქტორები ქმნიან სხვადასხვა კომპანია სხვადასხვაგვარად ვითარდება.

ამ სტატიაში იმ კომპანიების შესახებ გიყვებით, რომლებიც, ექსპერტების შეფასებით, 2022 წლის ეკონომიკაში წარმატებას მიაღწევენ.

საუკეთესო 10 აქცია, რომლითაც 2022 წელს უნდა დაინტერესდე

აქციები, რომლებიც 2022 წელს შენს ყურადღებას მიიპყრობენ რამდენიმე სექტორად დავყავით. პირველი ასეთი ინდუსტრია ფინანსური სექტორია. არსებულ გარემოში ყველაზე მეტ ბენეფიტს სწორედ ფინანსური სექტორი, ბანკები მიიღებენ, რაც საპროცენტო განაკვეთების ზრდას უკავშირდება.

1. Fidelity National Financial

ამ კომპანიის საბაზრო კაპიტალიზაცია $15,9 მილიარდია, ხოლო დივიდენდის სარგებელი — 3,15%.

2021 წლის მესამე კვარტალში შემოსავლების ზრდის პარალელურად NFF-მა გამოაცხადა 0,44 დოლარიანი კვარტალური დივიდენდი ერთ აქციაზე. ეს 10%-ით მეტია დივიდენდის წინა განაკვეთთან შედარებით.

კომპანიის P/E, ანუ აქციების ფასის კომპანიის მოგებასთან თანაფარდობა, 7,61-ით არის შეფასებული, რაც სექტორის მაჩვენებელს 36,81%-ით ჩამოუვარდება. რაც უფრო დაბალია ეს მაჩვენებელი, ეს კომპანიის იმიჯზე უფრო მეტად დადებითად აისახება.

2. Bank of America Corporation

BAC-ის საბაზრო კაპიტალიზაცია 392,1 მილიარდი, ხოლო დივიდენდის განაკვეთი 1,75%-ია. ეს კომპანია საბანკო და ფინანსური მომსახურების სექტორში გლობალური ლიდერია. Bank of America ციფრული ინოვაციებით არის ცნობილი და მსოფლიოს 10 უმსხვილეს ბანკში შედის.

ბოლო ერთ წელში BAC ფინანსური სექტორის მაჩვენებლებს 85%-ით გადააჭარბა. კომპანიის ფასები ბოლო წელში გაზრდილია დაახლოებით 40%-ით, ხოლო ბოლო ხუთ წელში 108%-ით.

3. Lloyds Banking Group plc

კომპანიის საბაზრო კაპიტალიზაცია 53,4 მილიარდია — დივიდენდის განაკვეთი 2,31%. ეს ფირმა დიდ ბრიტანეთშია დაფუძნებული და ფოკუსირებულია ზრდაზე ბიზნეს საბანკო, იპოთეკური სესხებისა და სადაზღვევო სფეროში.

მიუხედავად იმისა, რომ ამ ბანკის აქციის ფასი საკმაოდ დაბალია, ის გაერთიანებული სამეფოს ერთ-ერთ უმსხვილეს ბანკად რჩება, რაც მასში ინვესტირებას მიმზიდველს ხდის.

4. Cigna Corporation

ამ კომპანიის საბაზრო კაპიტალიზაცია 80,26 მილიარდი ლარია, ხოლო დივიდენდის განაკვეთი 1,65%.

Cigna Corporation ჯანდაცვის ინდუსტრიაში ერთ-ერთი მსხვილი მოთამაშეა. ის სამედიცინო მომსახურებისა და სადაზღვევო სფეროში საქმიანობს.

2021 წლის მესამე კვარტალში კომპანიის შემოსავლები 8,6%-ით გაიზარდა. ამასთან, გაუმჯობესებულია კომპანიის სხვა ფინანსური მაჩვენებლებიც.

ექსპერტები ამ კომპანიის აქციებით დაინტერესებას გვირჩევენ, რადგან იგი ზრდის სტაბილური მაჩვენებლებით გამოირჩევა. ამასთან, კომპანია მაღალი დონის მომსახურებას აწარმოებს, რაც მისთვის დამატებით ბენეფიტს წარმოადგენს.

5. BioNTech SE

ეს კომპანია გერმანიაში დაარსდა და ამჟამად მისი საბაზრო კაპიტალიზაცია 47,34 მილიარდი დოლარია. BioNTech-მა დაარსებიდან 11 წლის შემდეგ დაიწყო აქციებით ვაჭრობა და საკმაოდ წარმატებით. ეს კომპანია ფოკუსირებულია კიბოს მკურნალობაზე, იმუნოთერაპიასა და ინფექციურ დაავადებებზე.

კომპანიის შემოსავალი ერთი აქციიდან გაზრდილია 2,10 დოლარით წლიურად და 14,32 დოლარს შეადგენს. ბოლო ერთ წელში BioNTech-ის შემოსავლის ზრდამ 9,003% შეადგინა.

6. Chevron (CVX) და 7. Exxon (XOM)

ეკონომიკის აღდგენა პირდაპირ აისახება ხოლმე ენერგეტიკის სფეროში მომუშავე კომპანიებზე. სწორედ ამიტომ, გარემოში, რომელშიც გლობალური ეკონომიკა იმყოფება ამ სექტორის აქციებს დიდი ყურადღება უნდა დაეთმოს.

ენერგეტიკის სფეროში არსებული კომპანიები ინფლაციურ გარემოსაც მარტივად ერგებიან, რის გამოც ისინი ინვესტორების ყურადღებას ყოველთვის იმსახურებენ.

Chevron (CVX) და 7. Exxon (XOM) ზრდის შესანიშნავი მაჩვენებლებით გამოირჩევიან, ისინი საკუთარი ინდუსტრიის ლიდერებს შორის არიან და ყველა იმ კრიტერიუმს აკმაყოფილებენ, რაც ინვესტორისთვის მნიშვნელოვანი უნდა იყოს.

8. QUALCOMM (QCOM)

ეს კომპანია მობილური ტელეფონების ჩიპებისა უმსხვილესი მწარმოებელი და უსადენო ტექნოლოგიების ინოვატორია. მისი საბაზრო კაპიტალიზაცია 211.33 მილიარდს აღწევს, ხოლო დივიდენდის განაკვეთი 1,44%-ია.

კომპანიის P/E განაკვეთი 17,67-ს უტოლდება, რაც სექტორში არსებული ფირმების იმავე მაჩვენებელს 30%-ით ჩამოუვარდება. QUALCOMM-ის აქციები მზარდია, რაც ანალიტიკოსების გაანგარიშებებზე კიდევ უფრო დადებითად აისახება.

9. Advanced Micro Devices, Inc. (AMD)

ეს მულტინაციონალური კომპანია მაღალი ხარისხის პროცესორებს აწარმოებს, რომლებიც ბიზნესისთვის, მონაცემთა ბაზებისა და სათამაშო სექტორისთვის გამოიყენება. აღსანიშნავია, რომ მისი საბაზრო კაპიტალიზაცია 165,30 მილიარდი დოლარია.

ბოლო ხუთი წლის ჭრილში Advanced Micro Devices-ის აქციები 1 000%-ზე მეტით არის გაზრდილი. ანალიტიკოსების შეფასებით, კომპანია ზრდას 2022 წელსაც გააგრძელებს.

10. Ford (F)

ავტომობილების სექტორი, ისევე როგორც არაერთი სხვა ინდუსტრია, პანდემიამ დააზარალა. თუმცა, უნდა ითქვას, რომ ეს სფეროც აღდგენის რეჟიმშია.

აქ ხაზი უნდა გაესვას ელექტრომობილების სექტორს, რომელიც განსაკუთრებით კარგად გამოიყურება გაზის ფასების ზრდის გამო. Ford-ის ფასები, რომელიც ამ სექტორის ერთ-ერთი გამორჩეული კომპანიაა, გასულ წელს თითქმის 150%-ით გაიზარდა.

კომპანია აღმავალ ტრენდზეა, რაც შემოსავლებისა და მოგების მაჩვენებლის სახარბიელო საპროგნოზო მაჩვენებლებს ემყარება. რაც შეეხება არსებულ მონაცემებს, უნდა ითქვას, რომ Ford-მა გასული წლის მესამე კვარტალში შესანიშნავი ფინანსური შედეგები აჩვენა.

აქვე უნდა ითქვას, რომ ბაზრის ტენდენციებს არაერთი ფაქტორი, მათ შორის, გლობალური ეკონომიკური გარემო განსაზღვრავს. მოსალოდნელია, რომ მაღალ ინფლაციასა და კორონავირუსთან დაკავშირებული ფაქტორები 2022 წელზეც მოახდენენ გავლენას. სწორედ ამიტომ, ანალიტიკოსები დივერსიფიცირებული პორტფელის ქონასა და ინვესტიციებამდე საფუძვლიანი კვლევის ჩატარებას გვირჩევენ.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები და ივაჭრე ისეთი საერთაშორისო კომპანიების აქციებით, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა.