კომიკოსი, სატელევიზიო სახე და ემის სამგზის ლაურეატი მსახიობი, ლუი ანდერსონი, 68 წლის ასაკში გარდაიცვალა. მაყურებლები მას ყველაზე მეტად თავის ბავშვობაზე შექმნილი ანიმაციური სერიალით, ცხოვრება ლუისთან ერთად, იცნობდნენ.

ანდერსონი ლას-ვეგასის საავადმყოფოში გარდაიცვალა, სადაც ის რამდენიმე დღის წინ, კიბოს დიაგნოზით მოათავსეს. მსახიობი დიფუზური B უჯრედოვანი ლიმფომის წინააღმდეგ მკურნალობდა.

ლუი გასული საუკუნის 80-იანი წლებიდან ჩნდებოდა ამერიკულ კომედიურ შოუებში. მისი გამოსვლები დიდი პოპულარობით სარგებლობა სთენდაფის სტილის იუმორის მოყვარულებს შორის, თუმცა, ანდერსონის სახელის საქვეყნოდ გავარდნა მაინც ანიმაციურ სერიალს, ცხოვრება ლუისთან ერთად, უკავშირდება. სერიალი 1995 წლიდან 1998 წლამდე გადიოდა ამერიკულ ტელეარხზე. ქართველმა მაყურებელმა ლუი პირველად 2000-იან წლებში გაიცნო და მაშინვე შეიყვარა; განსაკუთრებით პოპულარული გახდა ლუის მამის, ენდი ანდერსონის ფრაზები.

ანდერსონს ასევე ჰქონდა საკუთარი სიტკომი. 2016 წლიდან იგი მონაწილეობდა სერიალ Baskets-ში, სადაც ქალის როლი ისე შთამბეჭდავად შეასრულა, რომ ემის ჯილდო დაიმსახურა.