პრეზიდენტის ადმინისტრაციის ინფორმაციით, ცენტრალური საარჩევნო კომისიის თავმჯდომარეობის შესარჩევ კონკურსში 4 კანდიდატი, ხოლო წევრობაზე 7 დარეგისტრირდა. თავმჯდომარეობის კანდიდატები არიან:

  • ვაკის საოლქო საარჩევნო კომისიის თავმჯდომარე, თამაზ ფოლადაშვილი;
  • სამოქალაქო პლატფორმა 20/20-ის აღმასრულებელი დირექტორი, თენგიზ თევზაძე;
  • საქართველოს ახალგაზრდა ენერგეტიკოსთა ასოციაციის ერთ-ერთი დამფუძნებელი, გიორგი შაიშმელაშვილი;
  • ცესკოს მოქმედი თავმჯდომარე, გიორგი კალანდარიშვილი.

რაც შეეხება, ცენტრალური საარჩევნო კომისიის წევრობის კანდიდატებს, კონკურსში მონაწილეობას იღებენ:

  • ქრისტინე ქაჯაია;
  • ლევან ისაკაძე;
  • ციალა შავაძე;
  • რუსუდან მუმლაძე-ავალიანი;
  • მამუკა ხოლეგაშვილი;
  • მაია ზარიძე;
  • გია ცაცაშვილი.

ცესკოს თავმჯდომარისა და ცესკოს ორი წევრის თანამდებობაზე კანდიდატთა შესარჩევად კონკურსი 28 დეკემბერს გამოცხადდა. ამის შესახებ განკარგულება საქართველოს პრეზიდენტმა გამოსცა. ცესკოს მოქმედ თავმჯდომარესა და ცესკოს ორ წევრს უფლებამოსილების ვადა თებერვალში გასდით.

17 დეკემბერს საქართველოს პარლამენტმა დაჩქარებული წესით, მესამე მოსმენით რეგლამენტში ცვლილების შეტანის შესახებ კანონპროექტი დაამტკიცა, რომლის მიხედვითაც, ცესკოს თავმჯდომარისა და წევრების არჩევის წესი შეიცვალა. უფრო ზუსტად, გამარტივდა არჩევის პროცედურა.