შემეცნებითი სათამაშო, რომელიც ბავშვებს დაბინძურებული გარემოს შესახებ ცნობიერებას აუმაღლებს

გარემოს დაბინძურება კაცობრიობის ერთ-ერთი ყველაზე დიდი გამოწვევაა, რომელიც მხოლოდ ბუნებას კი არა, ჩვენც გვავნებს და მომავალი თაობების ჯანმრთელობაზეც ნეგატიურად აისახება. ამ პრობლემასთან ბრძოლის ერთ-ერთი მთავარი ხაზი სწორედ მომავალ თაობაზე, მათი ცნობიერების გაზრდასა და მათგან პასუხისმგებლიანი დედამიწელების აღზრდაზე გადის.

არსებობს საკმაოდ საინტერესო პროდუქტი - შემეცნებითი სათამაშოები, რომლებსაც ოკეანის ბინადრების ფორმები აქვს.

სათამაშო ერთი შეხედვით ჩვეულებრივი მოგეჩვენებათ, მაგრამ უფრო საინტერესო მისი შიგთავსია, სადაც ადამიანის საყოფაცხოვრებო ნარჩენებია მოთავსებული, ბოთლი, ჩანგალი, ჭიქა, ცელოფანი და ნებისმიერი რამ რასაც ადამიანები ოკეანეში ყრიან და რამაც შეიძლება წყლის ბინადრების სიკვდილი გამოიწვიოს.

ამ გზით ბავშვები ისწავლიან, რომ მათ მიერ უპასუხისმგებლოდ მოშორებული ნაგავი უკვალოდ არ რჩება და ამით ცხოველები და გარემო ზიანდებიან.

პროექტზე უნგრელი დიზაინერი ანდრეა ვაიდა და დაწყებითი კლასის მასწავლებლები ერთობლივად მუშაობენ. მათი მიზანი კი აღნიშნული პრაქტიკის სხვა ბავშვთა ორგანიზაციების საგანმანათლებლო პროგრამებში დანერგვაა.

ბოლო ამბები:

გირჩევთ