15 კლიშე, რომელსაც ჩვენი მკითხველები სერიალებსა და ფილმებში აწყდებიან

ფილმებისა და სერიალების მოყვარულებმა კარგად იციან, რომ კონკრეტული ჟანრის ნამუშევრებს შორის მსგავსებებს გვერდს ვერ ავუვლით. მართლაც, მაშინ, როცა თითქმის ყოველ კვირას ახალი ფილმი ან სერიალი გამოდის, შეუძლებელია, თითოეულ მათგანს განუმეორებელი და მთლიანად ორიგინალური სიუჟეტი ჰქონდეს. ამის მიუხედავად, მაინც არსებობს გაცვეთილი კლიშეები, რომლებიც ძალიან ხშირად გვხვდება და თავიც მოგვაბეზრეს.

On.ge-ის სერიალების ჯგუფში ჩვენმა მკითხველებმა სწორედ ისეთი კლიშეები და ფრაზები გაიხსენეს, რომლებიც თითქმის ყველა ფილმსა თუ სერიალში ხვდებათ და მათგან 15 გამორჩეულს გთავაზობთ:

1. "-მემუქრები?

-არა, გაფრთხილებ!"

2. პროგნოზირებადი სექსის სცენები

"სექსის მერე რომ მძიმედ ვარდებიან ხოლმე ლოგინზე. თან გოგო და ბიჭი ერთდროულად. აი რას აკეთებდნენ ასეთს? და მერე რომ ამბობენ 'გავიმეოროთ?"

3. ბომბი, რომელიც ყოველთვის მთავარი პერსონაჟების მხარესაა

"ბომბს რომ ბოლო წამზე ანეიტრალებს ყველა? არსად მინახავს, დრო ყოფილიყო დარჩენილი ან განეიტრალება ვერ მოესწრო და აფეთქებულიყო".

4. მეგობრების დრამატული შერიგება

"მთავარ გმირებს რომ კონფლიქტი აქვთ, ერთი რომ იბუტება, მიდის და მეორე რჩება მარტო ბოროტებასთან საბრძოლველად, მაგრამ ზუსტად ბოლო წუთზე ბრუნდება ეს გაბუტული ტიპი და ერთიანი ძალებით ამარცხებენ ბოროტებას. 'ჯეეკ, აქ რას აკეთებ??" და მერე რამე ქრინჯი პასუხი: 'აქვე ვიყავი და შემოვიარე კარლ".

5. აეროპორტის სცენა

"გოგო რომ სხვა ქვეყანაში მიდის იმის გამო, რომ ბიჭმა მისთვის არ იბრძოლა და ბიჭი ამ ყველაფერს რომ ზუსტად იმ დროს იაზრებს, როცა გოგო უკვე მიფრინავს. გიჟივით მირბის აეროპორტში, ეძებს, დარბის, ყველას ეჯახება, ბოდიშებს იხდის და ბოლოს იპოვის. დგას და უყურებს როგორ მიდის... მერე დაუძახებს და ეს გოგო ეკითხება: 'შენ აქ რას აკეთებ, გაგიჟდი?' და მერე ეს ბიჭი უხსნის, რა სულელია და როგორ არ უნდა მისი დაკარგვა და ბოლოს ზასაობენ".

6. უკვდავი მთავარი პერსონაჟები

"სიუჟეტისთვის უმნიშვნელო ტიპები თავიდანვე გვამის როლზე რომ არიან აყვანილები. ვიღაცას იდაყვი რომ მოუხვდება უხერხულად და ეგრევე იხოცებიან. ამ დროს მთავარი გმირი კაი ხნის დაჩეხილია, მარა არააა — სანამ 9 ძმა ხერხეულიძის დედა არ დაწყევლის და მეფე ნარიმანის ნაკურთხი ტყვია არ მოხვდება არრრ კვდება იქამდე".

7. როცა სათვალის მოხსნის შემდეგ მთავარ პერსონაჟს ვეღარავინ ცნობს

"გოგო რომ პროსტა კაბას გამოიცვლის, მის პარტნიორი შეხედავს, პირს დააღებს და 'wow... you look amazing".

8. როცა დაშავებულ ადამიანს არწმუნებენ, რომ კარგადაა

"მაგალითად, როდესაც ორივე ხელი და ფეხი მოგლეჯილი აქვს ადამიანს და სისხლისგან იცლება და ვინმე უახლოვდება, მკლავებს შემოხვევს და ეუბნება: 'აი, ნახავ, კარგად იქნები'. რა კარგად იქნები, კვდება ადამიანი, ეტირა დედა".

"როდესაც კვდებიან: 'ყველაფერი კარაგდაააა… მე შენთან ვარ... ყველაფერი კარგადააა...' სასწრაფოში მაინც დაეკერათ და იქნებ მართლა ყოფილიყო კარგად ყველაფერი???????"

9. გრძელი მონოლოგი გადამწყვეტი მომენტის წინ

"სერიული მკვლელი რომ მთავარ გმირს დაიჭერს და მთელი ბავშვობის ტრავმებს უყვება სანამ მოკლავს და ამ პერიოდში მთავარი გმირი რომ გამოსავალს პოულობს და გარბის ან თვითონ კლავს".

10. მანქანა, რომელიც არაფერში გამოგადგება

"ნაჯახიანი მკვლელი რომ მისდევთ და მანქანა არ იქოქება, ან გასაღები უვარდებათ".

11. როცა წყვილი ერთმანეთის ცქერით მორიგეობით ტკბება

"ბიჭი გახედავს გოგოს და გოგო არ უყურებს, მერე გოგო გახედავს, მერე ბიჭი და ასე უსასრულოდ. გააჩნია სერიალს ან ფილმს".

12. გულისრევა ყოველთვის ორსულობას ნიშნავს

"მარტო ორსულობის გამჟღავნებამდე რომ მისდით და ერევათ გული და რომ გაბაზრდება უკვე, კარგად ხდებიან??"

13. "თქვენ წადით, ამას მე შევაჩერებ"

14. როცა დანიშნულების ადგილი ყველამ კარგად იცის

"-სად ხარ?
-საავადმყოფოში.
-კარგი, მოვდივარ.

რანაირად? როგორ? მთელ ქვეყანაში 1 საავადმყოფო აქვთ?"

15. "სახლში მივდივარ"

"ყველაზე გავრცელებული: ფილმის ბოლოს უამრავი დრამის შემდეგ მთავარი გმირი ტაქსიში რომ ჯდება და მძღოლი ეკითხება: 'საით?' ეს რომ პასუხობს — 'სახლში, სახლში მივდივარ".

ამავე თემაზე:

ბოლო ამბები:

გირჩევთ