დევნილთა სააგენტო თბილისში, ყოფილი სასტუმრო ქართლის შენობაში მცხოვრებ იძულებით გადაადგილებულ ოჯახებს გრძელვადიან განსახლებამდე ქირის თანხით უზრუნველყოფას სთავაზობს. სააგენტოს განცხადებით, ყოფილი სასტუმრო ნამდვილად არის ავარიული ობიექტი, ამიტომ შენობაში ფაქტობრივად მცხოვრებ ყველა ოჯახზე ადმინისტრაციული დაპირება გაიცა და დევნილთა სააგენტომ მათ განსახლების ორი ალტერნატივა შესთავა.

"მათ ახლავე შეუძლიათ თბილისში, ნებისმიერ კორპუსში თავადვე მოიძიონ ბინა, რომელსაც სააგენტო მათთვის უპირობოდ შეიძენს ან დაელოდონ სააგენტოს მიერ შესყიდული ბინების მშენებლობის დასრულებას. დევნილი ოჯახის მიერ ბინის მოძიების შემთხვევაში, კვადრატული მეტრის ფასი, რომელსაც სააგენტო დაფარავს შეადგენს 550 დოლარის ეკვივალენტს ლარში, ხოლო ბინის ფართობი ოჯახის სულადობის მიხედვით განისაზღვრება", — ნათქვამია განცხადებაში.

მათივე თქმითმ, სააგენტოს წარმომადგენლებს ყოველდღიური კომუნიკაცია აქვთ ყოფილ სასტუმროში მცხოვრებ დევნილებთან და ყველა ამ შეთავაზებების შესახებ ყველა მათგანისთვის ცნობილია.

დევნილებმა თემქაზე დღეს საპროტესტო აქცია გამართეს. ისინი ამბობდნენ, რომ მათი საცხოვრებელი კორპუსი დაზიანებულია და მერიისგან ბინებით უზრუნველყოფას ითხოვდნენ.

ადგილზე დაპირისპირებაც იყო, ხალხმა გზის გადაკეტვა სცადა, თუმცა პოლიციამ მათ ამის საშუალება არ მისცა.