ჩვენი საყვარელი ანიმაციების შესაქმნელად მხოლოდ პერსონაჟებისა და ისტორიის გამოგონება საკმარისი როდია: თითოეულ დეტალზე უამრავი დრო, ენერგია და იდეა იხარჯება. შემქმნელებისთვის ყოველ დეტალს განსაკუთრებული მნიშვნელობა აქვს და მათში ხშირად სიურპრიზებსა და მინიშნებებსაც კი გვიმალავენ.

მიუხედავად იმისა, თუ რამდენჯერ გაქვთ ნანახი თქვენი საყვარელი ანიმაციები, ალბათ, შეუძლებელია, ბოლომდე ჩავწვდეთ ყველა იმ დეტალს, რომელიც შემქმნელებმა ნამუშევარში დაგვიმალეს.

მაშ ასე, გთავაზობთ 12 დეტალს ჩვენი საყვარელი ანიმაციებიდან, რომელიც დაკვირვებულ მაყურებელსაც კი გამოეპარა:

1. მიკი მაუსის "კამეო" მეფე ლომში

თუ ამ მშვენიერ ცას კარგად დააკვირდებით, მარჯვნივ ვარსკვლავების დახმარებით შექმნილ მიკი მაუსის სილუეტს შეამჩნევთ. ვინ იცის, კიდევ რამდენი ასეთი დეტალი გამოგვეპარა?

2. Soul-ის ამ სცენაში პიქსარმა მომდევნო ფილმზე მიგვანიშნა

მინაზე ქალაქ პორტოროსოს პლაკატია გაკრული. სწორედ პორტოროსოში გვამოგზაურებს პიქსარის შემდეგი ანიმაცია, სახელად ლუკა.

3. The Emperor's New Groove-ში კუსკოს ოთახი

პატარა კუსკოს ოთახში სათამაშოები იმ არსებებზე მიგვანიშნებენ, რომლებადაც კუსკო მოგვიანებით გადაიქცევა.

4. კოკოში ერთ-ერთ პერსონაჟს ნაცნობი მაისური აცვია

ეს მაისური სათამაშოების ისტორიის მთავარ ბოროტმოქმედს — სიდს აცვია.

5. Finding Nemo-ში ეს ბავშვი The Incredibles-ის კომიქსს კითხულობს

The Incredibles პირველად ეკრანებზე ამ სცენიდან ერთი წლის შემდეგ ვიხილეთ.

6. პრინცესა და ბაყაყში ბოროტმოქმედის ჩრდილი შპალერს ცვლის

კედელზე ორნამენტების ნაცვლად თავის ქალასა და ძვლებს ვხედავთ.

7. სიდის კამეო რობოტებში

დიდი გამყინვარების მთავარი პერსონაჟი, სახელად სიდი 2005 წელს გამოსულ რობოტებში ცოტათი განსხვავებული სახით გვხვდება.

8. Finding Nemo-ს მტირალა ზვიგენი

ნემოს ისტორიის მოსმენის შემდეგ ზვიგენი, სახელად ბრიუსი ტირილს იწყებს, რადგან, მისი თქმით, მამას არასდროს შეხვედრია. სინამდვილეშიც, მამალი ზვიგენები პარტნიორს შთამომავლობის დაბადებამდე ტოვებენ.

9. Up-ში წლების გასვლასთან ერთად ჰორიზონტზე ახალ შენობებს ვხედავთ

ეს დეტალი დროის გასვლაზე შეუმჩნევლად, თუმცა ოსტატურად მიგვანიშნებს.

10. ანასტასიას ჩრდილი

ანასტასიას ერთ-ერთ სცენაში მთავარი პერსონაჟი მოგონებებში იძირება და მოჩვენებებს ეცეკვება. ანასტასია ამ სცენაში ერთადერთი ადამიანია, რის გამოც მხოლოდ მის ჩრდილს ვხედავთ.

11. ბაზს სტიკერები სძვრება

სათამაშო დროთა განმავლობაში ძველდება და ცვთება, რის გამოც თუ კარგად დააკვირდებით, შენიშნავთ, რომ ბაზს კოსტიუმზე დამაგრებული სტიკერები სძვრება.

12. მულანის პოსტერი ლილოსა და ნანის სახლში

თუ კარგად დააკვირდებით, ლილო და სტიჩში მულანის პოსტერს შეამჩნევთ, რომელიც ლილოს დის, ნანის ოთახშია გაკრული.