ASB საქართველოს მხარდაჭერით და სამოქალაქო ჩართულობის გაძლიერებით, წნორში ხანდაზმულ ადამიანებს ეკონომიკური გაძლიერების, საკუთარი ხელსაქმის ქონის და აქტიურად ცხოვრების შესაძლებლობა ეძლევათ.

ვიდეოში გაეცნობით ისტორიას "ცოდნის კაფის" და "60+" კლუბის დამეგობრების შესახებ.

ცოდნის კაფე არის სოციალური საწარმო, რომელიც შედგება რეგიონში დეფიციტური სივრცეებისაგან. ესენია სამკითხველო, ბიბლიოთეკა, შეხვედრების სივრცე და სხვა.

"60+ კლუბში გვყავს 37 ბენეფიციარი, კლუბმა ფუნქციონირება დაიწყო 2016 წლიდან, თუმცა ბოლო ერთი წელია განსაკუთრებით აქტიურად ვახორციელებთ აქტივობებს, რაშიც მხარი დაგვიჭირა ASB საქართველომ. კლუბებში მოიაზრება შიდა კლუბები, ესენი არის ჯანმრთელობის კლუბი; ქვეყნები და კულტურები და საგანმანათლებლო, ასევე ლიტერატურული კლუბი და ყველაზე დიდი მონაპოვარი არის ქვილთის კლუბი", — ამბობს მარი თეგაშვილი, ცოდნის კაფეს 60+ კლუბის მენეჯერი.

ნახეთ ვიდეო:

ინიციატივა განხორციელებულია პროექტი "პარტნიორობა ჩართულობითი პოლიტიკის შესაქმნელად" ფარგლებში, რომელიც დაფინანსებულია ევროკავშირის მიერ (European Union in Georgia) და მას ახორციელებს ASB საქართველო, პარტნიორ ორგანიზაციებთან CHCA და Kakheti Regional Development Foundation (KRDF) ერთად.