ქართული ოცნების დეპუტატის, შალვა პაპუაშვილის განცხადებით, ექსპრეზიდენტმა აიძულა მხარდამჭერები, რომ შიმშილობა გამოეცხადებინათ და ამით დახურა ე.წ. შერიგების თემა. თანაპარტიელების მსგავსად, ამ საკითხის მიმართ ისიც კრიტიკულია და ამბობს, რომ სააკაშვილი სპეკულირებს მხარდამჭერებით და მათ ჯანმრთელობას და სიცოცხლეს საკუთარი თავისუფლების საპირწონედ აყენებს.

"მიხეილ სააკაშვილმა საკუთარი მხარდამჭერები აიძულა, რომ შიმშილობა გამოეცხადებინათ. ამით მან თავად დახურა ე.წ შერიგების თემა, რომელიც თითქოს მან თავად წამოიწყო და კიდევ ერთხელ აჩვენა, რომ ეს იყო კიდევ ერთი ფარისევლობა ნაციონალური მოძრაობის მხრიდან.

ფაქტობრივად, მიხეილ სააკაშვილი საკუთარი მხარდამჭერების ჯანმრთელობით, რა სიტყვა დავარქვათ არ ვიცი, შანტაჟს ახდენს, თუ სპეკულირებს, საკუთარი თავისუფლების საპირწონედ აყენებს საკუთარი მხარდამჭერების ჯანმრთელობას და სიცოცხლეს", — განაცხადა მან.

21 დეკემბერს მიმდინარე აქციაზე მელიამ ექსპრეზიდენტ მიხეილ სააკაშვილის გათავისუფლების მოთხოვნით უვადო, მასობრივი შიმშილობა დააანონსა. მელია ამბობს, რომ ამპარლამენტთან გადაწყვეტილებას დაახლოებით 2 კვირის განმავლობაში განიხილავდა და ექსპრეზიდენტმა სააკაშვილმა არ იცოდა. მისივე თქმით, შიმშილობაში რამდენიმე ასეული ადამიანი მიიღებს მონაწილეობას და არსებული ინფორმაციით, 300-ზე მეტი მსურველია.

მისივე თქმით, მასობრივი საპროტესტო შიმშილობა დაიწყება კახეთის გზატკეცილზე, ერთიანი ნაციონალური მოძრაობის ოფისის მიმდებარე ტერიტორიაზე.