On.ge-ის ერთგული მკითხველები საზოგადოებასა და კულტურაში მიმდინარე ცხელ-ცხელ ამბებს თვალს ჩვენთან ერთად აქტიურად ადევნებენ ხოლმე. ბოლო თვეების განმავლობაში ზენდეიას ირგვლივ განვითარებული მოვლენები იყო ის ერთ-ერთი ყველაზე აქტუალური თემა, რომლის შესახებაც როგორც მთელ მსოფლიოში, ისე საქართველოშიც ინტერესს ვერ მალავდნენ: სხვა თუ არაფერი, მისი მონაწილეობით წლის ორი უდიდესი ფილმის — დიუნისა და Spider-Man: No Way Home-ის პრემიერა შედგა.

ამ 25 წლის მსახიობის მშვენიერებითა და ნიჭით აღფრთოვანებული მკითხველების წყალობით, მის შესახებ გამოქვეყნებული ჩვენი სტატიები უამრავი ადამიანის კედელზე მოხვდა. ჩვენდა გასაოცრად, მალე ზენდეიას ფანკლუბის სახელიც მოვიხვეჭეთ, რასაც, არ დაგიმალავთ და, სულაც არ ვნანობთ.

ფოტო: On.ge

ზოგიერთმა zendaya.on.ge გვიწოდა, ზოგმა გვისაყვედურა, რომ სხვას არავის და არაფერს ვაშუქებთ, თუმცა როგორც კი სხვა ამბები მოგიყევით, ბევრმა ისევ ზენდეია ინატრა. ასე მივხვდით, რომ ჩვენზე მეტად ზენდეია ისევ ჩვენს მკითხველებს აინტერესებთ.

იმისათვის, რომ ზენდეიას ამბებით გული სათანადოდ იჯეროთ, გადავწყვიტეთ, თქვენს სახალისო კომენტარებთან და რეაქციებთან ერთად ჩვენი 10 სტატიაც შემოგთავაზოთ, რომელიც ყველასათვის ასე საყვარელ ზენდეიაზე უნდა წაიკითხოთ (ვინიცობაა, აქამდე რომელიმე გამოგრჩათ!):

1. ეს 12 ფოტო დაგარწმუნებთ, რომ ზენდეია ყველაზე დახვეწილი და ელეგანტური ვარსკვლავია

ფოტო: Getty Images

წელს ზენდეიას შესახებ დაწერილ სტატიებში ყველაზე ხშირად მსახიობის განუმეორებელი სტილი ვადიდეთ. 25 წლის მსახიობი ამერიკის მოდის დიზაინერთა საბჭომ (CFDA) წლის სტილის სიმბოლოდ დაასახელა. როგორც ჩანს, მის ელეგანტურობას გადაჭარბებულად სულაც არ ვაფასებთ!

2. 7 შემთხვევა, როდესაც ზენდეიამ სამოსი საკუთარი ფილმის შთაგონებით შეარჩია

ფოტო: Getty Images

ისიც შევნიშნეთ, რომ ზენდეია სამოსს ხშირად საკუთარი ფილმებისა თუ სერიალების შთაგონებით არჩევს და ეს აღმოჩენა ამაყად გაგიზიარეთ, თუმცა ზოგიერთი მკითხველი მაინც გაგვიბრაზდა.

ფოტო: On.ge

3. ზენდეიამ ახალი კაბით ისევ დაგვიმტკიცა, რომ ყველაზე მოდური ვარსკვლავია

ფოტო: Getty Images

ზენდეიას ორიგინალურმა კაბამ ისე აღგვაფრთოვანა, რომ თუ ჩვენს მკითხველებს დავუჯერებთ, მასზე ვაფრენთ და კიდევ 50 სტატიასაც მივუძღვნით.

ფოტო: On.ge

4. ზენდეიამ ადამიანი ობობას შთაგონებით შექმნილი კაბით კიდევ ერთხელ დაგვატყვევა

თუმცა უნდა ვაღიაროთ, რომ ჩვენს დატყვევებას თქვენს კომენტარებზე უკეთ ვერაფერი ახერხებს!

ფოტო: On.ge

5. ზენდეია და ტომ ჰოლანდი წითელ ხალიჩაზე წყვილის სტატუსით პირველად გამოჩნდნენ

ფოტო: Getty Images

კიდევ კარგი, ზენდეიას შეყვარებული ტომ ჰოლანდია და ტომზე წერით ჩუმ-ჩუმად ზენდეიას ამბებსაც შემოგაპარებთ.

6. ტომ ჰოლანდმა და ზენდეიამ გააკრიტიკეს სტერეოტიპი, რომ ქალი კაცზე მაღალი არ უნდა იყოს

ფოტო: CNN

თქვენ კი ჩვენ გვაკრიტიკებთ, რომ ზენდეიას ისე ხშირად არ ვაშუქებთ, როგორც გინდათ, მაგრამ რას ვიზამთ?!

ფოტო: On.ge

7. ტომ ჰოლანდმა ინტერვიუ შეაჩერა, რათა წითელ ხალიჩაზე ზენდეიას ცქერით დამტკბარიყო

ისევე, როგორც თქვენ აჩერებთ ყველა საქმეს, რომ ზენდეიას შესახებ ჩვენი სტატიები წაიკითხოთ!

8. ზენდეიას ორი შავკანიანი გოგოს სიყვარულის შესახებ ფილმის გადაღება უნდა

ფოტო: Getty Images

ზენდეია რომ რეჟისორი გახდეს, თქვენთვის რამდენი სტატიის დაწერა მოგვიწევს, წარმოგიდგენიათ?!

9. ზენდეიას თქმით, ფინანსებთან დაკავშირებულ შფოთვებს თერაპიით უმკლავდება

ფოტო: Getty Image

და თქვენ როგორ უმკლავდებით ზენდეიას შესახებ სტატიების ნაკლებობით გამოწვეულ შფოთვას?

ფოტო: On.ge

10. ზენდეია Dune-ში მხოლოდ 7 წუთით ჩანს და ინტერნეტი აღშფოთებულია — საუკეთესო რეაქციები

ფოტო: Getty Images

ეს რეაქციები ჩვენი სტატიებით თქვენს აღშფოთებას მაინც ვერ შეედრება!

ფოტო: On.ge