British Vogue-სთან ინტერვიუში ზენდეიამ მენტალურ ჯანმრთელობაზე ღიად ისაუბრა. მსახიობის განცხადებით, მისი შფოთვები ხშირად ფინანსების მართვას უკავშირდება, რასაც ის თერაპიით უმკლავდება.

"მუშაობა რომ შევწყვიტო, ყველაფერი გაქრება, რაც მაქვს", — ამბობს ის.

"რა თქმა უნდა თერაპიაზე დავდივარ. თუ საკუთარ ცხოვრებაზე და ფინანსების მართვაზე შფოთვები გაქვთ, გირჩევთ, ამ გზას მიმართოთ. პრობლემებთან გამკლავების და საკუთარ თავზე მუშაობის ეს გზა სწორი მგონია, როცა პროფესიონალის დახმარებას იღებ და არა ოჯახის წევრის... იმ ადამიანის, რომელსაც სუბიექტური დამოკიდებულებები არ აქვს შენს მიმართ".

Euphoria-ს ვარსკვლავის თქმით, თერაპევტთან საუბრის მთავარი თემა სწორედ ფულს უკავშირდება:

"დედაჩემს უყვარს ფულის დაზოგვა და ვცდილობ, მისგან ვისწავლო. მამაჩემი პირიქითაა და ხშირად ამბობს: 'ხომ იცი, ფულს რომ მოვკვდები მერე ვერ დავხარჯავ', მე ამ ორს შორის ვარ".

ზენდეიას ქონება $15 მილიონადაა შეფასებული. მან ასევე გაიხსენა შემთხვევა, როცა მეგობართან ერთად სამოგზაუროდ წავიდა და საკუთარი ბარათი მისცა ხარჯების დასაფარად, თუმცა სთხოვა, რომ არ ეთქვა, რამდენს დახარჯავდა.

"მინდა, რომ მქონდეს კარიერა, რომელიც საშუალებას მომცემს ისე ვაკეთო ყველაფერი ფინანსებთან დაკავშირებით, რომ რაც მინდა ზედმეტი ნერვიულობის გარეშე ვაკეთო, რადგან სიამოვნება ორივე პროცესით უნდა მივიღო. თუმცა, მუშაობის გარეშე ყველაფერს დავკარგავ".

ზენდეიამ წარსულშიც ხშირად ისაუბრა მის ცხოვრებაში თერაპიის მნიშვნელობაზე და იმაზე, თუ როგორ დაეხმარა ფსიქოთერაპევტი სოციალური შფოთვის დაძლევაში.

Responsible.ge ევროპაბეთის პლატფორმაა, რომელიც საზოგადოებაში აზარტული თამაშების შესახებ ცნობიერების ამაღლებასა და პასუხისმგებლობიანი თამაშის პოპულარიზაციას ემსახურება. ამასთანავე, პლატფორმის დახმარებით, შეგიძლიათ, გაეცნოთ პასუხისმგებლობიანი თამაშის ხელსაწყოებსა და ანგარიშებს, ასევე ინფორმაციას ევროპაბეთის პასუხისმგებლობის შესახებ საზოგადოების მიმართ, ბიზნესსა და კომუნიკაციაში.