ტომ ჰოლანდს ზენდეიასთან ერთად Euphoria-ში (ეიფორია) სურს მონაწილეობის მიღება. ამის შესახებ მსახიობმა IMDb-ის რუბრიკაში განაცხადა, რომელშიც ზენდეიასთან ერთად ფანების კითხვებს პასუხს სცემდა.

ერთ-ერთმა ფანმა იკითხა, თუ როდის მიიღებდა ჰოლანდი Euphoria-ში ეპიზოდურ როლს. "ამას ძალიან დიდი ხანია ვითხოვ და იმედგაცრუებული ვარ, რომ ეს ჯერ არ მომხდარა. ამ მიზნით შოუს გადასაღებ მოედანს 30-ჯერ მაინც ვეწვიე", — განაცხადა მსახიობმა.

ჰოლანდმა რამდენჯერმე გაიმეორა, რომ შოუში მონაწილეობის დიდი სურვილი აქვს, ამაზე პასუხად კი ზენდეიამ იხუმრა, რომ HBO-ში საჭირო ხალხს დაურეკავს და როლს მიაღებინებს.

ეიფორიას პრემიერა 2019 წელს შედგა, რომელშიც ზენდეია მთავარ როლს ასრულებს. 2020 წელს კი ზენდეიამ დრამატულ სერიალში საუკეთესო ქალი მსახიობის კატეგორიაში ემის ჯილდო მოიპოვა. სერიალის მეორე სეზონის პრემიერა 2022 წლის 9 იანვარს იგეგმება.

მართალია, ფანების უმრავლესობა დიდი ხანი ვარაუდობდა,რომ ტომ ჰოლანდისა და ზენდეიას ურთიერთობა მეგობრობაზე მეტი იყო, თუმცა წყვილმა ეს ამბავი GQ-სთან ინტერვიუში მხოლოდ გასულს თვეს დაადასტურა.