ტომ ჰოლანდი და ზენდეია ჰოლივუდის ახალი ფავორიტი წყვილია. მსახიობები ადამიანი ობობას ფილმებში პიტერ პარკერისა და ემჯეის განასახიერებენ და რამდენიმე დღის წინ წითელ ხალიჩაზე წყვილის სტატუსით პირველად გამოჩნდნენ.

ცოტა ხნის წინ ერთ-ერთ ინტერვიუში ტომმა და ზენდეიამ თავიანთ სიმაღლეებს შორის სხვავებაზე იხუმრეს. ტომ ჰოლანდი სიმაღლეში დაახლოებით 173, ზენდეია კი 178 სანტიმეტრია. მათი თქმით, ცოტათი რთული იყო იმ ტრიუკის შესრულება, რომლის დროსაც ადამიან ობობას ფრენის შემდეგ ემჯეი ხიდზე უნდა ჩამოესვა. რადგანაც ზენდეია უფრო მაღალია, ხიდზე ტომზე ადრე დგებოდა. მათ ტრიუკი ინტერვიუს დროსაც გაითამაშეს.

ახალ ინტერვიუში ტომმა და ზენდეიამ საკითხი უფრო სერიოზულად განიხილეს. ჟურნალისტმა ფილმში პიტერისა და ემჯეის კოცნა გაიხსენა და მსახიობებს საზოგადოებაში დამკვიდრებული ის სტერეოტიპი შეახსენა, რომლის მიხედვითაც, წყვილში ქალი კაცზე მაღალი არ უნდა იყოს. ჟურნალისტმა სტერეოტიპს მიზოგონიური უწოდა.

ტომი და ზენდეია ჟურნალისტს დაეთანხმნენ. ტომმა შეხედულებას სისულელე უწოდა. მან ისიც აღნიშნა, რომ ემჯეის როლისთვის კასტინგზე მოსული ყველა გოგო მასზე მაღალი იყო, რაც მისთვის პრობლემა არ ყოფილა.

ფოტო: Getty Images

"ეს ნორმალურია. დედაჩემი მამაჩემზე მაღალია. დედაჩემი ყველა ადამიანზე მაღალია", — თქვა ზენდეიამ.

ზენდეიამ პიტერისა და ემჯეის კოცნას პერსონაჟებს შორის განსაკუთრებული და სასიამოვნო მომენტი უწოდა. მან ისიც აღნიშნა, რომ არასწორად მიაჩნია, როდესაც ფილმში ქალის სიმაღლის გადაფარვას სხვადასხვა გზებით ცდილობენ.

ამ პატარა დიალოგით ზენდეიამ და ტომმა კიდევ ერთხელ დაამტკიცეს, რომ საზოგადოების სიყვარულსა და პატივისცემას ნამდვილად იმსახურებენ.

ნახეთ ინტერვიუს მონაკვეთი:

ამავე თემაზე: