აშშ-ის ვაჭრობის სამინისტროს უსაფრთხოებისა და მრეწველობის ბიურომ (BIS) საქართველოში, ჩინეთში, თურქეთსა და მალაიზიაში მოქმედი 37 კომპანიას სანქციები დაუწესა. BIS-ის გადაწყვეტილებით, ეს ორგანიზაციები აშშ-ის საგარეო პოლიტიკისა და ეროვნული უსაფრთხოებისთვის საფრთხეს წარმოადგენენ.

სიაში შეტანილია საქართველოში მოქმედი სამი კომპანია:

  • Gensis Engineering;
  • ROV Solutions;
  • SAEROS Safety ERO Company.

დოკუმენტის თანახმად, ეს კომპანიები საექსპორტო კონტროლს არღვევდნენ, რაც აშშ-ს საგარეო ინტერესებს ეწინააღმდეგება.

BIS-ის შავ სიაში საქართველოსთან ერთად, მალაიზიაში მოქმედი ერთი კომპანია, თურქეთის — 2, ხოლო ჩინეთის 11 კვლევითი ინსტიტუტი მოხვდა.