საკონსტიტუციო სასამართლოში ე.წ. მოსმენების შესახებ კანონის წინააღმდეგ 40-ზე მეტი სარჩელი შევიდა. ბათუმელების ინფორმაციით, სასამართლოს მოსარჩელეებს შორის არიან რესპუბლიკური პარტია და ევროპულ საქართველო.

როგორც სასამართლოს პრესსამსახური On.ge-სთან ამბობს, საჩივრების რიცხვი კიდევ გაზრდილია, თუმცა ზუსტი რაოდენობა მისთვის ცნობილი არ არის.

იმავე კანონის გასაჩივრებას აპირებს სახალხო დამცველიც. ომბუდსმენის აპარატში ამბობენ, რომ სასამართლოს საჩივრით უახლოეს მომავალში მიმართავენ.

იდენტური შინაარსის სარჩელების შემთხვევაში საკონსტიტუციო სასამართლომ შესაძლოა ისინი ერთიანად განიხილოს.

დაჩქარებული წესით, პარლამენტის მიერ 2 მოსმენით მიღებულ ახალ კანონს მოსმენების შესახებ პრეზიდენტმა ვეტო დაადო. მიუხედავად იმისა, რომ პრეზიდენტის გადაწყვეტილებას ეთანხმებოდა არასამთავრობო ორგანიზაციების დიდი ნაწილი და ომბუდსმენიც, პარლმენტმა ვეტო დაძლია. კანონის მოქმედი რედაქციით, სახელმწიფო უსაფრთხოების სამსახურის მმართველობის სფეროში, იქმნება საჯარო სამართლის იურიდიული პირი - საქართვლოს ოპერატიულ-ტექნიკური სააგენტო.