Tbilisi Pride-ს დღეიდან მარიამ კვარაცხელია და ანა სუბელიანი უხელმძღვანელებენ. როგორც ორგანიზაციაში აცხადებენ, გამგეობამ საკითხზე 2021 წლის 14 ნოემბერს იმსჯელა, დღეს კი, 14 დეკემბერს საჯარო რეესტრში ოფიციალურად განაცხადეს.

"დღეიდან ორგანიზაციას თანადირექტორები, მარიამ კვარაცხელია და ანა სუბელიანი უხელმძღვანელებენ. 2021 წლის 14 ნოემბერს "თბილისი პრაიდის" გამგეობამ იმსჯელა და გადაწყვიტა ორგანიზაციის მართვის ჩაბარება გუნდის გამოცდილი წევრებისთვის, რის შესახებაც დღეს, 14 დეკემბერს საჯარო რეესტრში ოფიციალურად განვაცხადეთ", — ამბობენ ისინი.

Tbilisi Pride-ს დირექტორის თანამდებობას ამ დრომდე ორგანიზაციის თანადამფუძნებელი, გიორგი თაბაგარი იკავებდა.

"გვსურს მადლობა გადავუხადოთ ორგანიზაციის ყოფილ დირექტორს და თანადამფუძნებელს, გიორგი თაბაგარს, იმისთვის, რომ ირწმუნა “თბილისი პრაიდის” შექმნის იდეა და მისი საქმიანობით მნიშვნელოვანი წვლილი შეიტანა ლგბტქ+ მოძრაობის გაძლიერებაში", — ვკითხულობთ განცხადებაში.