გირჩი — მეტი თავისუფლების ლიდერის, ზურაბ ჯაფარიძის განცხადებით სახელმწიფო უსაფრთხოების სამსახურთან საკუთარი შკოდის დამტვრევისთვის პარტიის წევრს, ნიკა მოსიაშვილს სასამართლომ 5 დღით პატიმრობა მიუსაჯა.

"სუს-ის ღირსებას იცავს სისტემა", — წერს ჯაფარიძე.

On.ge დამატებითი ინფორმაციისთვის სასამართლოს დაუკავშირდა და მათ პასუხს მიღებისთანავე შემოგთავაზებთ.

16 სექტემბერს გირჩი — მეტი თავისუფლების წევრებმა სახელმწიფო უსაფრთხოების სამსახურის შენობასთან სიმბოლურად შკოდა ოქტავია დალეწეს. ამით მათ უკანონო მიყურადება გააპროტესტეს. ზურაბ ჯაფარიძის თქმით, მანქანა მათი საკუთრება იყო.

პერფორმანსის დროს პოლიციამ პარტიის წევრები, ბორის ყურუა და ნიკა მოსიაშვილი დააკავა. ისინი ადმინისტრაციულ სამართალდარღვევათა კოდექსის 166-ე და 173-ე მუხლის საფუძველზე დააკავეს, რაც წვრილმან ხულიგნობასა და პოლიციის მოთხოვნისადმი დაუმორჩილებლობას გულისხმობს. ყურუა და მოსიაშვილი იმ დღესვე ხელწერილის საფუძველზე გაათავისუფლეს.