ჰარი პოტერის საუკეთესო სამეული კვლავ ერთადაა!

ზუსტად 20 წლის წინ, 2001 წლის 14 ნოემბერს ვიხილეთ ჰერმიონ გრეინჯერი, რონ უიზლი და ჰარი პოტერი ჰოგვორტსში და ახლა შესაძლებლობა გვეძლევა, რომ მათი ჯადოსნურ სამყაროში ხელახალი გაერთიანების მომსწრე გავხდეთ.

HBO Max-მა ჰარი პოტერი და ფილოსოფიური ქვის 20 წლის საიუბილეო გადაცემიდან პირველი ფოტო გაავრცელა, რომელშიც ყველასთვის კარგად ცნობილი ფილმების სერიის მთავარი როლის შემსრულებლები არიან ერთად: დენიელ რედკლიფი, ემა უოტსონი და რუპერტ გრინტი.

ფოტო: HBO MAX

როგორც ფოტოზე ხედავთ, გაღიმებული ვარსკვლავები, სავარაუდოდ, გრიფინდორის საერთო ოთახში სხედან.

ნოემბერში ცნობილი გახდა, რომ პირველი ფილმის გამოშვებიდან 20 წლის იუბილეს აღსანიშნავად საგანგებოდ შექმნეს გადაცემა, ჰარი პოტერის მე-20 იუბილე: ჰოგვორტსში დაბრუნება, რომელიც ლეგენდარულ ტრიოს — დენიელ რედკლიფს, რუპერტ გრინტსა და ემა უოტსონს — ასევე ფილმების სერიაში მონაწილე სხვა მსახიობებს გააერთიანებს.

გადაცემის პრემიერა ახალ წელს, 2022 წლის პირველ იანვარს HBO Max-ზე შედგება.

აღსანიშნავია, რომ პირველი ვიდეოკადრებიც გავრცელდა გადაცემიდან, რომელთა ნახვაც ამ ბმულზე შეგიძლიათ.

ასევე იხილეთ: