The Matrix Resurrections-ის ახალი ტრეილერიდან ვიგებთ, რომ ნეო (კიანუ რივზი) ისევ ყალბ რეალობაშია გამომწყვდეული, თუმცა ის ამას ნელ-ნელა აცნობიერებს და დიდი თავგადასავლისთვის გვამზადებს.

ნეოს მიერ წარსულის გახსენების პროცესში ვერც მაყურებელი იქნება გულგრილი და არ არის გამორიცხული, რომ დეჟა-ვუ თქვენც განიცადოთ. მუსიკისა და დიალოგების ფონზე კი, სამყაროს რეალურობაში ეჭვი შეიძლება შეგეპაროთ.

ასეთ განცდებს მორფეუსის სიტყვებიც აძლიერებს, რომელიც დაბნეულ ნეოს ესაუბრება. "გაფიქრებინეს, რომ მათი სამყარო იყო ის, რასაც იმსახურებდი. მაგრამ შენი რაღაც ნაწილი გრძნობდა, რომ ეს სიცრუეა და მან გაიხსენა, თუ რა არის რეალობა", — ამბობს მორფეუსი, რომლის როლსაც ლოურენს ფიშბორნის ნაცვლად ახალ ფილმში იაია აბდულ მატინი თამაშობს.

The Matrix Resurrections-ის რეჟისორი ისევ ლანა ვაჩოვსკია და ახალ ფილმში კიანუ რივზსა და კერი-ენ მოსთან ერთად, ჯესიკა ჰენვიკს, ჯონათან გროფსა და რამდენიმე ახალ მსახიობს შეხვდებით. გარდა ამისა, ნეოსა და ტრინიტის სასიყვარულო ისტორიის გაგრძელებასაც ვიხილავთ. "მას ჩემი სჯეროდა, ახლა ჩემი ჯერია, რომ მისი დავიჯერო", — ამბობს ნეო ტრინიტიზე და საყვარელი ქალისთვის მაყურებლებს დიდ ბრძოლას გვპირდება.

The Matrix Resurrections-ის პრემიერა 22 დეკემბერს შედგება.

ასევე იხილეთ: