ამერიკის შეერთებული შტატების პრეზიდენტი, ჯო ბაიდენი აცხადებს, რომ ის არ შეეგუება რუსეთის მიერ დაწესებულ "წითელ ხაზებს". მისივე თქმით, აპირებს რუსეთს მის მეზობელ ქვეყანასთან კონფლიქტი გაურთულოს.

"ვაკეთებ იმას, რაც ყველაზე ყოვლისმომცველი და მნიშვნელოვანი ინიციატივა მგონია, რათა პუტინს გაუჭირდეს იმის გაკეთება, რასაც ხალხი შიშობს, რომ გააკეთებს", — ამბობს ბაიდენი.

ვიდეოზარი ამერიკის შეერთებული შტატებისა და რუსეთის პრეზიდენტებს შორის, სავარაუდოდ, მიმდინარე კვირაში გაიმართება. როგორც ბაიდენმა ჟურნალისტებს განუცხადა, ის ელის გრძელ დისკუსიას რუსეთის ლიდერთან და ამბობს, რომ არ შეეგუება არავის წითელ ხაზებს.

უკრაინის საზღვართან დაძაბულობის ფონზე აშშ-ს სახელმწიფო მდივანი და სხვა ამერიკის სხვა ოფიციალური პირები კრემლს აფრთხილებენ უკრანაიში ხელახალი დესტაბილიზაციაზე უარი თქვას, წინააღმდეგ შემთხვევაში კრემლს მძიმე შედეგებზე უთითებენ.

უკრაინის თავდაცვის სამინისტრომ ნოემბრის დასაწყისში განაცხადა, რომ მის საზღვართან დაახლოებით, 90 000 რუსი ჯარისკაცი გადაისროლეს. გაურკვეველი იყო, რამდენი მათგანი იყო ადგილზე ახლად განლაგებული.

აშშ-მ და მოკავშირე ოფიციალურმა პირებმა განგაში ჯერ კიდევ მიმდინარე წლის აპრილში ატეხეს, როდესაც მოსკოვმა უკრაინის საზღვართან დიდი რაოდენობით სამხედრო ძალა განალაგა.

გაიგე მეტი: