რუსეთის პრეზიდენტი ვლადიმერ პუტინი დასავლეთისგან სამართლებრივ გარანტიას ითხოვს, რომ NATO აღმოსავლეთოთ არ გაფართოვდება. პუტინის განცხადებით, შეერთებულ შტატებთან და მის მოკავშირეებთან დიალოგში ისინი დაჟინებით მოითხოვენ კონკრეტული შეთანხმებების შემუშავებას, რომლიც NATO-ს შემდგომ აღმოსავლეთში გაფართოებას და იარაღის სისტემების განლაგებას გამორიცხავს რუსეთის ტერიტორიის სიახლოვეს.

"ჩვენ ვთავაზობთ ამ კუთხით არსებითი მოლაპარაკებების დაწყებას. ხაზგასმით მინდა აღვნიშნო, რომ ჩვენ გვჭირდება სამართლებრივი, იურიდიული გარანტიები, ვინაიდან ჩვენმა დასავლელმა კოლეგებმა არ შეასრულეს შესაბამისი ზეპირი ვალდებულებები. ყველამ იცის ეს ზეპირი გარანტიები, რომ ნატო აღმოსავლეთით არ გაფართოვდება, მაგრამ ყველაფერი ზუსტად პირიქით გაკეთდა. ფაქტობრივად, რუსეთის უსაფრთხოების ლეგიტიმური საზრუნავი იგნორირებული იყო და ახლაც იგნორირებულია", — განაცხადა პუტინმა.

უკრაინის საზღვართან დაძაბულობის ფონზე აშშ-ს სახელმწიფო მდივანი და სხვა ამერიკის სხვა ოფიციალური პირები კრემლს აფრთხილებენ უკრანაიში ხელახალი დესტაბილიზაციაზე უარი თქვას, წინააღმდეგ შემთხვევაში კრემლს მძიმე შედეგებზე უთითებენ.

უკრაინის თავდაცვის სამინისტრომ ნოემბრის დასაწყისში განაცხადა, რომ მის საზღვართან დაახლოებით, 90 000 რუსი ჯარისკაცი გადაისროლეს. გაურკვეველი იყო, რამდენი მათგანი იყო ადგილზე ახლად განლაგებული.

აშშ-მ და მოკავშირე ოფიციალურმა პირებმა განგაში ჯერ კიდევ მიმდინარე წლის აპრილში ატეხეს, როდესაც მოსკოვმა უკრაინის საზღვართან დიდი რაოდენობით სამხედრო ძალა განალაგა.

გაიგე მეტი: