ინფექციური საავადმყოფოს დირექტორის, თენგიზ ცერცვაძის ინფორმაციით, ამ ეტაპზე უცნობია კორონავირუსის ახალი შტამი, ომიკრონი უფრო სწრაფი და სახიფათოა თუ არა ვიდრე საქართველოში დღეს მოქმედი დელტა შტამი. გარდა ამისა, ცერცვაძის თქმით, ჯერჯერობით არ გამოკვლეულა, იმოქმედებს თუ არა მასზე დღეს არსებული ვაქცინები.

"ის რაც გვაინტერესებს ამ ახალი შტამის მიმართ, ჯერჯერობით უცნობია: 1-ლი — ვრცელდება თუ არა ის უფრო სწრაფად და იოლად, ვიდრე დელტა შტამი; მე-2 — იწვევს თუ არა ის უფრო მძიმე დაავადებას და მეტ სიკვდილობას, ვიდრე დელტა შტამი; მე-3 და ერთ-ერთი მთავარი — მგრძნობიარეა ვაქცინების მიმართ და მონოკლონური ანტისხეულების მიმართ, როგორც იყო დელტა შტამი თუ მასზე ნაკლებად მოქმედებს ვაქცინა", — განაცხადა თენგიზ ცერცვაძემ.

25 ნოემბერს სამხრეთაფრიკელმა მეცნიერებმა კორონავირუსის ახალი შტამის დაფიქსირების შესახებ განაცხადეს. B.1.1.529-ად წოდებულ ახალ შტამს ჯანდაცვის მსოფლიო ორგანიზაციამ ომიკრონი შეარქვა.

გაიგე მეტი: