უწყებათაშორისი საკოორდინაციო საბჭოს გადაწყვეტილებით, კორონავირუსის ახალი შტამის გავრცელების გამო 8 ქვეყნიდან მოქალაქეებისთვის საზღვრის კვეთასთან დაკავშირებით, რეგულაციები წესდება. გადაწყვეტილება 28 ნოემბრიდან ამოქმედდება.

მთავრობის განცხადებით, ნებისმიერი პირი, მოქალაქეობის მიუხედავად, რომელსაც ბოლო 14 დღის განმავლობაში უმოგზაურია აღნიშნულ ქვეყნებში, საქართველოში შემოსვლისას ექვემდებარება 14-დღიან იზოლაციას/კარანტინს საკარანტინე სივრცეში.

ეს ქვეყნებია:

  • სამხრეთ აფრიკა;
  • ბოცვანა;
  • ზიმბაბვე;
  • ნამიბია;
  • ლესოტო;
  • ესვატინი (სვაზილენდი);
  • მოზამბიკი;
  • მალავი

მათივე თქმით, 14-დღიანი იზოლაციის/კარანტინის დასრულების შემდეგ, პირებს ჩაუტარდებათ PCR ტესტირება. საქართველოს მოქალაქეების შემთხვევაში, საკარანტინე სასტუმროსა და PCR კვლევის ხარჯებს ფარავს სახელმწიფო, ხოლო უცხო ქვეყნის მოქალაქეების შემთხვევაში — თავად უცხო ქვეყნის მოქალაქე.

COVID-19-ის ახალი შტამის გამო ევროკავშირის ქვეყნები და ამერიკის შეერთხებული შტატები სამხრეთ აფრიკის ქვეყნებიდან ფრენების აკრძალვას აწესებენ.

გაიგეთ მეტი: