გორის მუნიციპლიტეტის სოფელ ზეღდულეთში მოსახლეობა პროტესტის ნიშნად თხრილში ჩაწვა. სოფელში ხმაური და დაპირისპირება იყო. ისინი 75 ჰექტარი მიწის ნაკვეთის გასხვისებას აპროტესტებენ. ადგილობრივების თქმით, უცხოეთის მოქალაქეზე გაყიდული ტერიტორია სოფლის საძოვარს წარმოადგენს და მეპატრონეს მისი დამუშავების უფლება არ აქვს.

"მშივრები ხომ არ დავრჩებით? თითო ძროხას დავსდევთ იმიტომ, რომ შვილები და შვილიშვილები შევინახოთ და ამათმა რომ წაიღონ ეს მიწა, სოფლიდან უნდა გადავსახლდეთ ასე გამოდის", — ამბობს ზეღდულეთის ერთ-ერთი მცხოვრები რუსთავი 2-თან.

გორის საკრებულოს თავმჯდომარის მოადგილე კობა ბერიანიძე პრობლემას წინა ხელისუფლებას უკავშირებს და აცხადებს, რომ ნაციონალური მოძრაობის დროს მიწა ხელისუფლებაზე დაახლოებულ პირზე გაასხვისეს. მისივე თქმით, მუშაობენ რომ მოსახლეობას ალტერნატივა შესთავაზონ.

"მოიყვანეს ინდოეული ინვესტორი და გაასხვისეს მასზე. იქიდან მოყოლებული დღევანდელ დღემდე პრობლემატურია და პრობლემაა", — ამბობს ბერინიაძე.

ადგილზე პოლიციაც იყო მობილიზებული.