ცენტრ პოინტის საქმეზე, სასამართლოს ხდომის დასრულების შემდეგ, რუსუდან კერვალიშვილის შვილმა ნინო დარასელმა ჟურნალისტებთან ისაუბრა და განაცხადა რომ ამ გადაწყვეტილებით დაზარალებულები კიდევ უფრო დაზარალდნენ:

"არავის იმაზე მეტი ინტერესი, რომ ეს პრობლემა მოგვარებულიყო, არ ექნებოდა, იმიტომ რომ როცა მოგვარდებოდა დაზარალებულების პრობლემები, მოგვარდებოდა ჩვენი პრობლემებიც. დღეს მივაღწიეთ რას, ოთხი წლის წინ უკვე შეჩერებულ მშენებლობებს, ამორტიზირებულ შენობებს და განადგურებულ ოჯახს. ასევე კიდევ უფრო დაზარალებულ დაზარალებულებს. აუცილებლად გავასაჩივრებთ და მე უბრალოდ მგონია, რომ ძალიან დიდი შეცდომა მოხდა".

დღეს, ცენტრ პოინტის საქმეზე თბილისის საქალაქო სასამართლომ ერთ-ერთ დამფუძნებელს რუსუდან კერვალიშვილს ოთხი წლით თავისუფლების აღკვეთა მიუსაჯა. ასევე 4-წლიანი პატიმრობა მიესაჯა მაია რჩეულიშვილს.

მაია რჩეულიშვილსა და რუსუდან კერვალიშვილს, ბრალი თაღლითობისა და თანხების მითვისების მუხლით ჰქონდათ წარდგენილი.