ბიზნესკონტრაქტის ცნობით, საერთაშორისო სავაჭრო პალატამ მოსამართლეების მიმართ პროტესტის ნიშნად ერთი დღით ოფისი დახურა.

"დღეს ICC-ის ოფისი დაიხურება რამდენიმე კორუმპირებული მოსამართლის მიმართ პროტესტის ნიშნად," - გამოკრულია წარწერა ოფისთან.

პროტესტი კონკრეტულად თბილისის საქალაქო სასამართლოს მოსამართლის, ვლადიმერ კაკაბაძის წინააღმდეგაა მიმართული. კაკაბაძემ თამბაქოს ადგილობრივი მწარმოებლების სასარგებლოდ სავაჭრო პალატის წევრი კომპანიები, საერთაშორისო ბრენდები British American Tobacco და Philip Morris დააჯარიმა.