თბილისის საქალაქო სასამართლომ საქართველოს ბანკის სერვის-ცენტრის დაყაჩაღებისთის ბრალდებული დიმიტრი გოლავა დამნაშავედ სცნო საქართველოს სისხლის სამართლის კოდექსის 179-ე მუხლის მეორენაწილის „ბ“ და მე-3 ნაწილის „გ“ ქვეპუნქტებით. სასამართლომ მას სასჯელის სახედ და ზომად 10 წლით თავისუფლების აღკვეთა განუსაზღვრა.

ბრალდების მხარის მტკიცებით, 2016 წლის 7 ივნისს, დაახლოებით 20:50 საათზე, თბილისში, ჭავჭავაძის გამზირზე დიმიტრი გოლავა გამოძიებით დაუდგენელ პირთან ერთად თავს დაესხა საქართველოს ბანკის სერვის-ცენტრს და მოლარე ოპერატორს და დაცვის თანამშრომელს სიცოცხლისა და ჯანმრთელობისთვის საშიში ძალადობის გამოყენების მუქარით გასტაცა ბანკის კუთვნილი 2 560 ლარი, 5 478 აშშ დოლარი, 1 530 ევრო, 510 ევროდ ღირებული ე.წ. ცხელი ფულის შეკვრა და დაცვის თანამშრომლის კუთვნილი ZORAKI-ს მოდელის აირის პისტოლეტი, შემდეგ კი შემთხვევის ადგილიდან მიიმალა.

სამართალდამცველებმა დიმიტრი გოლავა 2016 წლის 25 ივნისს თბილისში დააკავეს.