პრემიერმინისტრის, ირაკლი ღარიბაშვილი მთავარი არხის დაკვეთით IPSOS-ის მიერ ჩატარებულ კვლევასთან დაკავშირებით ამბობს, რომ არავითარი სანდოობა არ აქვს.

"მოგეხსენებათ, ჩვენ არაერთხელ გვითქვამს, რომ არავითარი სანდოობა არ აქვს ლევან თარხნიშვილის მიერ ჩატარებულ კვლევებს ადგილზე. IPSOS-ის სახელს რომ იყენებენ, ესეც უკვე ყველასთვის ძალიან კარგად ცნობილი არის. ლევან თარხნიშვილის მიერ გაყალბებული კვლევები ნამდვილად არ არის საინტერესო ჩემთვის.

ეს არის, რა თქმა უნდა, მორიგი უსუსური მცდელობა, საცოდავი მცდელობა იმისათვის, რომ გუშინდელი მართლაც ტრიუმფალური ღონისძიება გადაეფარათ რაიმენაირად და ამ ყველაფერს ძალიან მალე, 2 დღეში საზოგადოება იხილავს, რომ მე-2 ტურები დასრულდება, რა თქმა უნდა, ჩვენი გამარჯვებით", — განაცხადა პრემიერმინისტრმა.

მთავარი არხის დაკვეთით IPSOS-ის მიერ ჩატარებული კვლევით, თვითმმართველობის არჩევნების მეორე ტურში ქართული ოცნების კანდიდატი თბილისში ლიდერობს, ზუგდიდში, რუსთავში, ქუთაისსა და ბათუმში კი ოპოზიციონერი კანდიდატები.