კოალიცია მედიის ადვოკატირებისთვის წევრი ორგანიზაციები მთავრობას მოუწოდებს, განმარტოს რატომ არ შემოუშვეს საქართველოში უკრაინელი ჟურნალისტები.

"კოალიცია მედიის ადვოკატირებისთვის მოუწოდებს საქართველოს მთავრობას, დაუყოვნებლივ გააკეთოს განმარტებები საქართველოს საზღვარზე ჟურნალისტების არ შემოშვების თაობაზე და პატივი სცეს მედიის წარმომადგენელთა უფლებებს შეასრულონ თავიანთი პროფესიული მოვალეობა", — აცხადებენ ორგანიზაციები.

უკრაინელი ჟურნალისტი დმიტრი გორდონი ამბობს, რომ საქართველოში არ შემოუშვეს. ჟურნალისტის თქმით, მისთვის ქვეყანაში არშემოშვების მიზეზი არ დაუსახლებიათ. მისივე განცხადებით, ეს საერთაშორისო სკანდალი და სირცხვილია საქართველოს ხელისუფლებისთვის.

უკრაინელი ჟურნალისტის საქართველოში არშემოშვებას გამოეხმაურნენ ნაციონალურ მოძრაობაში. პარტიის ერთ-ერთი ლიდერი ხატია დეკანოიძე Facebook-ზე წერს, რომ გორდონთან ერთად დეპორტაციას უკეთებენ მის ცოლსაც, რომელიც, ასევე, ჟურნალისტია.

On.ge აღნიშნულზე შინაგან საქმეთა სამინისტროს დაუკავშირდა, პასუხს მიღებისთანავე შემოგთავაზებთ.

გაიგე მეტი: