კვირას, ჰონგ-კონგის სავაჭრო ცენტრში მაღლა მიმავალმა ესკალატორმა მოულოდნელად დიდი სისწრაფით ქვემოთ დაიწყო დაშვება. მასზე მდგარმა მგზავრებმა ბალანსი დაკარგეს, ზოგი მათგანი დაეცა კიდეც.

BBC-ის ინფორმაციით, ინციდენტის შედეგად მინიმუმ 18 ადამიანი დაშავდა. მათგან ორი ამ დრომდე საავადმყოფოში რჩება.

ფაქტზე 2 პირია დაკავებული, თუმცა ინციდენტის მიზეზი კვლავ უცნობია.

ოფიციალური პირების განცხადებით, ინციდენტიდან რამდენიმე საათში, გამოძახების შემდეგ 2 ტექნიკოსი ლიფტების კომპანიიდან ადგილზე მივიდა.

გამოძიება ყველას უკრძალავდა გამორთულ ესკალატორზე შეხებას, ტექნიკოსებმა კი ესკალატორი ჩართეს და გამორთული სისტემა აამუშავეს, რამაც არსებული ვიდეოფირისა და კომპიუტერში არსებული ინფორმაციის წაშლის საშიშროება შექმნა.

ლიფტების კომპანიამ, სადაც დაკავებულები მუშაობდნენ, ფაქტის გამო გაოცება გამოთქვა და განაცხადა, რომ მტკიცებულებებსა და გამოძიების შედეგებს დაელოდებიან.