დღეს 27 მარტს, დილით, ბათუმში, ოძელაშვილის ქუჩის #11-ში მდებარე საცხოვრებელი კორპუსის სახურავს ცეცხლი გაუჩნდა. ხანძარი ამ დროისთვის ლოკალიზებულია და მხოლოდ ერთი მეხანძრე-მაშველი დაშავდა.

აჭარის მთავრობის თავმჯდომარე, ზურაბ პატარაძე, რომელიც ადგილზე იმყოფებოდა, აჭარის ტელევიზიასთან საუბარში ამბობს, რომ მეხუთე სართული ნაწილობრივ დაზიანებულია. მისივე თქმით, სპეციალური კომისია ზარალს დაითვლის და მერია დაზარალებულებს დაეხმარება.

ჯერჯერობით უცნობია ხანძრის გამომწვევი მიზეზები.