ვინ და როდის შეძლებს გრიპზე უფასოდ აცრას
საქართველოში სეზონურ გრიპზე აცრა უკვე დაიწყო, თუმცა ვაქცინა ამ ეტაპზე ძირითადად რისკჯგუფებისთვისაა ხელმისაწვდომი. აცრა სხვა მსურველებმა რამდენიმე კლინიკაში შეძლეს, მაგრამ ჯერ-ჯერობით საკმარისი მარაგი არ არის და მალე იწურება. სხვადასხვა სამედიცინო დაწესებულებაში ამბობენ, რომ ვაქცინა ეტაპობრივად შემოდის. ღირებულება, ძირითადად, 70 ლარიდან იწყება.
რაც შეეხება რისკჯგუფებს, მათ აცრა უბნის პოლიკლინიკებში, ასევე, სხვა სამედიცინო დაწესებულებებში შეუძლიათ. დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ვაქცინაცია გასულ კვირას დაიწყო და მასში მონაწილე პირველი სამი ჯგუფი იყო: ორსულები, დიალიზზე მყოფი პირები და სამედიცინო პერსონალი. მისივე ცნობით, ამ ეტაპისთვის, გრიპის 2 000 აცრაა ჩატარებული.
გამყრელიძე აღნიშნავს, რომ გარდა კორონავირუსის ვაქცინისა, გრიპის ვაქცინა ტვინდემიის ერთ-ერთი პროფილაქტიკური ღონისძიებაა. მისივე თქმით, სამედიცინო დაწესებულებებს უკვე გაეცათ რეკომენდაცია, გრიპის ვაქცინა სხვა ჯგუფებისთვისაც იყოს ხელმისაწვდომი.
ვაქცინის მიღებას უფასოდ შემდეგი ჯგუფები შეძლებენ:
- შაქრიან დიაბეტზე მყოფი პირები;
- დიალიზზე მყოფი პირები;
- მოხუცთა და ბავშვთა სახლებში მყოფი პირები;
- საოჯახო ბავშვთა ტიპის სახლში მყოფი ბავშვები;
- C ჰეპატიტის მქონე ადამიანები;
- ორსულები;
- აივ–ინფექციის მქონე პირები;
- 60 წლის ზემოთ ასაკის პირები;
- ზოგადსაგანმანათლებლო სკოლების პედაგოგები;
- ორგანოგადანერგილები;
- ჯანმრთელობის დაცვის პერსონალი;
- ვეტერინარის და გარემოს დაცვის სფეროში მომუშავე პერსონალი;
- საბავშვო ბაგა-ბაღების აღმზრდელები.
დაავადებათა კონტროლის ეროვნული ცენტრის გადამდებ დაავადებათა დეპარტამენტის უფროსი, ხათუნა ზახაშვილი განმარტავს, რომ ჯანდაცვის მსოფლიო ორგანიზაციის რეკომენდაციით, გრიპის ვაქცინისთვის საუკეთესო დრო ოქტომბერია, თუმცა, გვიან არასდროს არ არის და ვაქცინის მიღება მომავალ თვეებშიც შესაძლებელია.
მისივე თქმით, აღნიშნული ჯგუფებისთვის ნებისმიერი კატეგორიის ვაქცინა უკვე ნებისმიერ კლინიკაში ხელმისაწვდომია. ზახაშვილი არ გამორიცხავს, რომ ამცრელი პუნქტების რაოდენობა კიდევ გაიზარდოს.
"გრიპის ვაქცინა ხელმისაწვდომია ნებისმიერ პოლიკლინიკაში, რომელიც ჩველებრივ, სტანდარტულად ატარებს იმუნიზაციას. ხშირ შემთხვევაში, ეს განსხვავდება კოვიდვაქცინაციის ცენტრებისგან და ვიმედოვნებთ, რომ რამე სპეციფიური რიგებისგან დაცული იქნება სისტემა და შევძლებთ ისე მივაწოდოთ მოსახლოებას ეს იმუნიზაცია, რომ ზედმეტი საფრთხეები და დისკომფორტი არ შევუქმნათ მათ", — ამბობს ის.
ზახაშვილი დასძენს, რომ ზოგიერთი ამცრელი პუნქტი შაბათ-კვირასაც მუშაობს, მაგრამ ეს ინდივიდუალურად განსაზღვრული არ არის, ამიტომ აცრის მსურველმა აღნიშნული დეტალი საცხოვრებელი ადგილის მიხედვით უნდა დააზუსტოს.
ამირან გამყრელიძის ინფორმაციით, სახელმწიფომ გრიპის 200 000 ვაქცინა შეისყიდა. NCDC-ის ხელმძღვანელი აღნიშნავს, რომ უკვე შემოსული 43 000 დოზის გარდა, ქვეყანა კვირას ვაქცინის 60 000, ხოლო შემდეგ 100 000 დოზას მიიღებს.
7 ოქტომბერს ამირან გამყრელიძემ განაცხადა, რომ ახალი ტერმინი ე.წ. ტვინდემია გაჩნდა, რაც გრიპითა და კორონავირუსით ერთდროულად ინფიცირებას გულისხმობს. როგორც კორონავირუსის, ისე სეზონური გრიპის წინააღმდეგ ვაქცინაცია ძალიან მნიშვნელოვანია.
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
-
გადახედვადააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს დააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს
-
კომენტარები