ი. ციციშვილის სახელობის ბავშვთა ახალი კლინიკის სამედიცინო დირექტორის, მაია ჩხაიძის თქმით, ე.წ. ტვინდემია უკვე სახეზეა. როგორც ჯანდაცვის სისტემის სხვა წარმომადგენლები, ჩხაიძეც ვარაუდობს, რომ კორონავირუსის მე-5 ტალღა უფრო მძიმე იქნება.

"მომართვიანობა სხვა ინფექციების გამოც გაიზარდა, რადგანაც, მოგეხსენებათ, სეზონური ვირუსები დაიწყო [...] რასაც ეძახიან ტვინდემიას, ნამდვილად სახეზეა.

დაწყებულია მე-5 ტალღა, იმიტომ, რომ შემთხვევების რაოდენობა კატასტროფულად მომატებულია. მე-5 ტალღა, მგონია, რომ შეიძლება უფრო მძიმეც იყოს", — განაცხადა მაია ჩხაიძემ იმედთან საუბრისას.

მაია ჩხაიძის ინფორმაციით, ციციშვილის ბავშვთა კლინიკაში ამჟამად 108 პაციენტია, საიდანაც 21 რეანიმაციაში მკურნალობს. მისი თქმით, ამ ეტაპზე კლინიკაში თავისუფალი ადგილები არის, მათ შორის, რეანიმაციაშიც.

7 ოქტომბერს, ამირან გამყრელიძემ განაცხადა, რომ გაჩნდა ახალი ტერმინი — ტვინდემია. გამყრელიძის განმარტებით, ეს გულისხმობს გრიპითა და კორონავირუსით ერთდროულად ინფიცირებას.

იაშვილის სახელობის ბავშვთა ცენტრალური საავადმყოფოს სამედიცინო დირექტორის, ივანე ჩხაიძის განცხადებით, კორონავირუსითა და გრიპით ერთდროულად დაინფიცირების შემთხვევაში გარდაცვალების რისკი იზრდება.

გაიგე მეტი: