რამდენიმე თვის წინ Warner Bros-მა ვილი ვონკას ახალგაზრდობის შესახებ ფილმის გადაღება დააანონსა, რომელშიც მთავარ როლს ყველასათვის საყვარელი ტიმოთი შალამე მოირგებს. ახალი ფილმი, სახელად Wonka ვილი ვონკას ახალგაზრდობაზე მოგვითხრობს იმ დრომდე, სანამ ის ცნობილ შოკოლადის ქარხანას გახსნიდა.

ფილმის გადაღებებიდან პირველი ფოტოს გავრცელების შემდეგ, ფანებს ამჯერად ტიმოთი შალამეს სიმღერის მოსმენაც შეუძლიათ. გულშემატკივრებისთვის თავიდანვე ცნობილი იყო, რომ Wonka მიუზიკლი იქნებოდა, რომელშიც ტიმოთი შალამეს ცეკვასა და სიმღერას ვიხილავდით. სულ ცოტა ხნის წინ კი გადასაღები მოედნიდან ვიდეო გავრცელდა, რომელშიც ტიმოთის სიმღერის ჩანაწერი ისმის.

სიმღერის ნაწყვეტით თუ ვიმსჯელებთ, ახალგაზრდა და უფულო ვილი ვონკა მსოფლიოს შემოვლას, სხვებისთვის საკუთარი შოკოლადის რეცეპტის გაცნობასა და ტკბილეულის დასამზადებლად საუკეთესო გზების ძიებას გეგმავს.

Wonka-ს პრემიერა 2023 წლის 17 მარტსაა დაგეგმილი. ახალი ფილმის რეჟისორი პოლ კინგია. სცენარზე კინგთან ერთად საიმონ ფარნაბიმ იმუშავა. Wonka ვილი ვონკას ისტორიის მესამე ეკრანიზაცია იქნება. 1971 წელს გამოსულ ფილმში ვილი ვონკას როლს ჯინ უაილდერი ასრულებდა, 2005 წლის ფილმში კი — ჯონი დეპი.