მას შემდეგ, რაც ბრედ პიტი და ანჯელინა ჯოლი ერთმანეთს დაშორდნენ, მსახიობების მიმართ ინტერესი კიდევ უფრო გაიზარდა. ცოტა ხნის წინ გავრცელდა ინფორმაცია, რომ ვარსკვლავებმა ურთიერთობა განაახლეს.

კიდევ ერთი სკანდალური ამბავი პირადად ანჯელინა ჯოლის ეხება. კამბოჯის საქველმოქმედო ორგანიზაციის თანამშრომელი მუნ სარატი აცხადებს, რომ მედოქსი მისი ბიოლოგიური შვილია და ანჯელინამ ბავშვი 2003 წელს საბუთების გაყალბებით იშვილა.

ფოტო: Facebook

მუნ სარატმა ამის დამადასტურებული დოკუმენტებიც წარმოადგინა და აღნიშნა, რომ 15 წლის მედოქსის კანონიერი მშობელი თვითონაა.

"დედა მშობიარობას გადაყვა, ანჯელინას კი არც უცდია გაერკვევია, ჰყავდა თუ არა ბავშვს მამა და უკანონოდ წაიყვანა", - ამბობს სარატი.

ანჯელინა ჯოლიმ კამბოჯელი მედოქსი ფილმის Lara Croft: Tomb Raider-ის გადაღებების შემდეგ იშვილა.

ინფორმაცია მას შემდეგ გასაჯაროვდა, რაც აგენტი ლორინ გალინდო, რომელიც კამბოჯაში მეურვეობის დოკუმენტებს აწესრიგებდა, მათ შორის მედოქს ჯოლი-პიტის დოკუმენტებსაც, კანონდარღვევის გამო დააპატიმრეს.