დაავადებათა კონტროლის ეროვნული ცენტრის ხელმძღვანელი ამირან გამყრელიძე ყველა დამსაქმებელს თხოვს მოიკითხოს, როგორია აცრის მაჩვენებელი მათ დაწესებულებებში. გამყრელიძის თქმით, ყველამ უნდა გაითვალისწინოს, რომ აცრა აუცილებელია, პირველ რიგში, იმ ადამიანისთვის, ვინც იცრება, ასევე, ოჯახის წევრისა და მის ირგვლივ მყოფთათვის.

"ყველა დამსაქმებელს მინდა ვთხოვო, მოიკითხონ როგორია მათ დაწესებულებაში აცრის მაჩვენებელი. სანამ არ გავალთ 60-70% აცრის მაჩვენებელზე, მანამდე ვერ დაესმება წერტილი ამ ეპიდემიას და სულ გვექნება ყოველ 2-3 თვეში ასეთი პერიოდულობით სხვადასხვა ინტენსივობის ტალღები, რომელიც მოიტანს როგორც, სამწუხაროდ, ადამიანურ, ისე ეკონომიკურ დანაკარგს ქვეყნისთვის," — ამბობს გამყრელიძე რუსთავი 2-თან.

10 ოქტომბრის მონაცემებით, საქართველოში კორონავირუსის 2 490 ახალი შემთხვევა დადასტურდა, გამოჯანმრთელდა 2 056, ხოლო გარდაიცვალა — 25 ადამიანი.

საქართველოში ამ დროისთვის 4 სხვადასხვა ვაქცინააა და აცრა16 წლის ზემოთ, ყველა მსურველს შეუძლია.

ვაქცინაციისთვის დარეგისტრირება შეგიძლიათ ვებგვერდზე Booking.moh.gov.ge.

იხილეთ იმ დაწესებულებების ჩამონათვალი, სადაც შესაძლებელია ვაქცინაცია. სია პერიოდულად ახლდება და ადგილები ემატება.

ასევე, შეგიძლიათ ნახოთ იმ დაწესებულებების სია, სადაც აცრას წინასწარი რეგისტრაცის გარეშე შეძლებთ. გარდა ამისა, თბილისში მოქმედებს ვაქცინაციის მოძრავი პუნქტები.

გაიგე მეტი: როგორ უნდა მიხვიდეთ ასაცრელად, როცა საზოგადოებრივი ტრანსპორტი შეზღუდულია — მარშრუტები