ბათუმში ნანგრევებიდან კიდევ ორი ადამიანის ცხედარი იპოვეს. ინფორმაცია ამის შესახებ On.ge შინაგან საქმეთა სამინისტროში დაუდასტურეს. არსებული ინფორმაციით, ამოყვანილია ქალისა და 12 წლამდე მოზარდის ცხედარი.

ამ ეტაპისთვის მაშველები ერთ ადამიანს ეძებენ. ბოლო ინფორმაციით, ნანგრევებში 3 ადამიანი რჩებოდა.

8 ოქტომბერს, ბათუმში, 26 მაისის ქუჩაზე საცხოვრებელი კორპუსი ჩამოინგრა. მაშველებმა ადგილიდან ორი ადამიანი ცოცხალი გამოიყვანეს, თუმცა ერთ-ერთი ბათუმის რეფერალურ ჰოსპიტალში 9 ოქტომბერს გარდაიცვალა.

დღის განმავლობაში ნანგრევების ქვეშ მოყოლილი მანქანიდან ამოიყვანეს წლის და 3 თვის ბავშვი. ის საავადმყოფოდან უკვე გაწერეს.

ამ დროისათვის ნაპოვნია 7 ცხედარი — 3 ბავშვი, 1 ასაკოვანი, 1 შუა ხნის ასაკის ქალი და 2 კაცი. სამაშველო და სამძებრო ღონისძიებები 24 საათზე მეტია გრძელდება.