პარტია საქართველოსთვის ლიდერი და ყოფილი პრემიერმინისტრი გიორგი გახარია ამბობს, რომ მისი ყოფილ თანაგუნდელებს, ანუ ადამიანებს რომლებიც დღეს ქართულ ოცნებაში არიან, საკუთარი აზრის გამოთქმის უფლება არ აქვთ და მარიონეტები არიან.

"ერთი რამე უნდა ვიცოდეთ, ქართული ოცნება მე უბრალოდ ვერ გამამწარებს, მარტივი მიზეზის გამო. იმიტომ რომ იქ დღეს ვინც არიან ბოსები და ვინც ქართული ოცნების სახელით საუბრობს, ამ ადამიანებს თავისი აზრის გამოთქმის უფლება და შესაძლებლობა არ აქვთ.

ზოგი წერილს წერს, ზოგი რაღაც სისულელეებს ლაპარაკობს, როგორ შეიძლება ახლა მე ამათ გამამწარონ. ვერ გამამწარებენ მარტივი მიზეზის გამო, იმიტომ რომ მიზანი არის ბევრად უფრო მნიშვნელოვანი და ეს ადამიანები კალეიდოსკოპში იცვლებიან, დღეს ერთია ხვალ მეორეა. მათ, აი, ეს მისია და ფუნქცია გააზრებული არ აქვთ, ისინი არიან ერთ დიდ სცენარში მარიონეტები", — ამბობს გიორგი გახარია.

გახარიამ ქართული ოცნება და პრემიერმინისტრის თანამდებობა რამდენიმე თვის წინ, 18 თებერვალს დატოვა. ამის შემდეგ მმართველი გუნდის წევრები და გახარია ერთმანეთს ინტენსიურად აკრიტიკებენ და ბრალდებებს უყენებენ.