უკრაინამ ევროვიზიაზე რუსეთის წარმომადგენელს ქვეყანაში შესვლა სამი წლით აუკრძალა. მიზეზად კი 2014 წელს ანექსირებულ ყირიმში იულია სამოილოვას მიერ კონცერტის გამართვა დაასახელა. ამის შესახებ უკრაინის უსაფრთხოების სამსახურმა SBU-მ განაცხადა.

BBC-ის ცნობით, სამოილოვამ 2015 წელს ყირიმში კონცერტის გამართვას ადასტურებს.

რუსეთის საგარეო საქმეთა სამინისტროში RIA Novosti-სთან უკრაინის გადაწყვეტილებას "ცინიკური და არაადამიანური" უწოდა.

რუსული სააგენტოს ცნობით, პოლიტიკოსმა ფრანც კლინცევიჩმა განაცხადა, რომ რუსეთი ყველა მომდევნო კონკურსს ბოიკოტს გამოუცხადებს, თუ ევროვიზიის ხელმძღვანელობა სამოილოვას ინტერესებს არ დაიცავს:

"თუმცა ევროვიზიის ხელმძღვანელობა დუმს, ის სრულიად პოლიტიზირებული და ანგაჟირებულია."

უკრაინის უსაფრთხოების სამსახურს შავ სიაში სულ მცირე 140 რუსი არტისტი ჰყავს შეყვანილი.

უკრაინა ევროვიზიის კონკურსის მასპინძელი მას შემდეგ გახდა, რაც უკრაინელმა ჯამალამ, გასულ წელს, შვედეთში გამართული კონკურსი მოიგო. მისი სიმღერა 1944 წელს, სტალინის მიერ ყირიმელი თათრების მასობრივი გადასახლებების შესახებ იყო.

ევროვიზიის კონკურსი უკრაინაში, კიევში, სავარაუდოდ, მაისში გაიმართება.