პროკურატურის ინფორმაციით, მარნეულის მუნიციპალიტეტში ლეიბორისტული პარტიის წევრის დაჭრის საქმეზე, ერთ პირს ჯანმრთელობის განზრახ ნაკლებად მძიმე დაზიანების მუხლით ბრალი წარუდგინეს.

"შინაგან საქმეთა სამინისტროში მიმდინარე გამოძიებით დადგინდა, რომ 2021 წლის 30 სექტემბერს, მარნეულის მუნიციპალიტეტის სოფელ კიროვკაში, საღებავის გამოყენებით წარწერების გაკეთებისთვის მომხდარი ურთიერთშელაპარაკებისას, ლ.ქ.-მ პოლიტიკური მოტივით ჯანმრთელობის ნაკლებად მძიმე დაზიანება მიაყენა რ.ი.-ს", — წერია პროკურატურის განცხადებაში.

2 ოქტომბერს მარნეულში ლეიბორისტული პარტიის წევრის დაჭრეს. შსს-ს ინფორმაციით, გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. სამართალდამცველებმა ბრალდებული 2021 წლის 3 ოქტომბერს დააკავეს.