ოდესმე გიფიქრია, რა ადვილად შეგვიძლია იმის დავიწყება, რაც ოდესღაც ჩვენი ყოველდღიურობის განუყოფელი ნაწილი იყო? შესაძლოა, ამას დრო დასჭირდა, თუმცა, მაინც ადვილია. თანაც იმდენად, რომ წლების შემდეგ, როცა ვინმე გახსენებს, ტკბილი ღიმილი გეფინება სახეზე და გინდა, არ გინდა, "რა დრო იყოო" დასძენ. არადა, შეიძლება სულაც არ იყო კარგი დრო, უბრალოდ, დროის გასვლასთან ერთად ნოსტალგიური სენტიმენტები მძაფრდება ხოლმე. აბა, სხვაგვარად როგორ შეიძლება კარგი იყოს უტელეფონობა ან უგუგლობა? ან, თუნდაც...

1. მეგობართან ერთად კინოში წასვლის დაგეგმვა და კომუნიკაციის არანაირი საშუალება სახლიდან გასვლის შემდეგ

ფოტო: Tenor

მერე კი, თუკი აგვიანებდა ან, მით უარესი, საერთოდ აღარ მოდიოდა, სადმე ახლომახლო ქუჩის ტელეფონის ძებნას და სალანძღავი სიტყვების თავში დალაგებას იწყებდი.

2. "რომელზე შევხვდეთ? ასე ხუთისკენ ალბათ. შენთან რა დროა?"

ფოტო: Tenor

ანუ ის დრო, როცა საათს საინფორმაციო გამოშვებაზე ვასწორებდით.

3. ფოტოების გადაღება იმის იმედით, რომ კარგი გამოვიდა

ფოტო: Teno

დარწმუნებული ხარ, რომ ყველა ფირი გაქვს გამჟღავნებული?

4. ყურმილის დაკიდება

ფოტო: Giphy

მობილურების ეპოქაში ეს ფრაზა, რა თქმა უნდა, ფიგურალური გახდა. იმედია, იგივე ბედი ეწევა საერთოდ დარეკვასაც.

5. ადგილის ძებნა GPS-ის გარეშე

ფოტო: Tenor

ხალხს, ვინც GPS-ითაც ვერ ვაგნებთ დანიშნულების ადგილს, ფურცელზე დატანებული რუკების ეპოქაში რა გვეშველებოდა?!

6. კასეტის ლენტების ახლართვა

ფოტო: Tenor

რიგითი Gen Z: "კასე... რა?"

7. არხის გადასართავად სავარძლიდან ადგომა და ტელევიზორთან მისვლა

ფოტო: Tenor

და ახლა ზოგს პულტის მიწოდებაც კი ეზარება!

8. სერიალის მხოლოდ თითო სერია ყოველ ჯერზე

ფოტო: Tenor

ლეგენდის თანახმად, არსებობს ხალხი, ვინც გრეის ანატომიას 15 წელზე მეტია, ასე უყურებს...

9. არსაიდან გაჩენილ კითხვაზე პასუხის მიღება საუკუნის დაგვიანებით

ფოტო: Tenor

გუგლის გარეშე საერთოდ როგორ ვიგებდით, რა არის ანტიგუა და ბარბუდას დედაქალაქი?

10. ცხრა პლანეტა

ფოტო: Teno

პლუტონ, გვიყვარხარ და გვენატრები.

11. შაბათ-კვირის მულტფილმები

ფოტო: Tenor

ახლა ვინღა გაიღვიძებს დილის რვაზე ლუი ანდერსონის სანახავად?!

12. ცნობილი ადამიანების ფოტოების ამოჭრა ჟურნალიდან

ფოტო: Teno

რა თქმა უნდა, თუ უმცროსმა დამ ან ძმამ უკვე არ მოასწრო ულვაშის მიხატვა...

13. თოვლის პაპა

ფოტო: Ten

... რომელიც წლის დასაწყისში ახალგაზრდაა, დეკემბრამდე ბერდება, სვანეთიდან ჩამოდის და მარტო კარგი ყოფაქცევის ბავშვებთან მიდის... ახლა კი თავადვე უკვეთენ ბავშვები სანტა-კლაუსს საჩუქრებს საკრედიტო ბარათით.

14. მუსიკალურ-გასართობ შოუში დარეკვა და სიმღერის მოთხოვნა

ფოტო: Tenor

"გაუშვით შაკირას ვაკა-ვაკა, არ გამიტეხოთ"!

15. რეკლამის დროს საჭმელად გასვლა

ფოტო: Teno

... და დროულად დაბრუნება რომ იყო უდიდესი მიღწევაც და ბედნიერების მიზეზიც.

ასევე იხილეთ: