ცენტრალური საარჩევნო კომისიის მონაცემებით, ბათუმში დათვლილია ხმების 100%. ამ მონაცემებით, მერობის არჩევნების მეორე ტურში გადადიან ნაციონალური მოძრაობის კანდიდატი, გიორგი კირთაძე და ქართული ოცნების კანდიდატი, არჩილ ჩიქოვანი.

ხმები ასე გადანაწილდა:

  • გიორგი კირთაძე — 41,97;
  • არჩილ ჩიქოვანი — 41,08%.

რაც შეეხება სხვა კანდიდატებს, რომლებიც მეორე ტურში ვერ მოხვდნენ, მათი შედეგები ასეთია:

  • ირაკლი მიქელაძე (პარტია საქართველოსთვის) — 10,57%;
  • გიორგი ფუტკარაძე (გირჩი — მეტი თავისუფლება) — 2,31%;
  • ბონდო გეგულაძე (პატრიოტთა ალიანსი) — 1,30%.

ხმების 100%-ის დათვლა საბოლოო შედეგებს არ ნიშნავს, რადგან დარღვევების გამო შეტანილ საჩივრებს, შესაძლოა, ზოგიერთი უბნის მონაცემების გაბათილება ან შეცვლა მოჰყვეს, რაც აისახება გამოქვეყნებულ მონაცემებზე. საბოლოო შედეგებს ცესკო საჩივრების განხილვის დასრულების შემდეგ გამოაქვეყნებს.

ბათუმის გარდა მეორე ტური კიდევ 19 ქალაქსა თუ მუნიციპალიტეტში გაიმართება. კანონმდებლობის მიხედვით, მეორე ტური პირველი ტურიდან 4 კვირაში, ანუ 30 ოქტომბერს გაიმართება.

გაიგე მეტი: