ნაციონალური მოძრაობის ერთ-ერთი ლიდერი ხატია დეკანოიძე ამბობს, რომ მოიგო ის უბანი, სადაც ინფრასტრუქტურის მინისტრის მოადგილე ფულს არიგებდა.

"ჰო და ეს უბანი მოვიგე!", — წერს დეკანოიძე Facebook-ში.

ამ დროის მონაცემებით, ცენტრალურმა საარჩევნო კომისიამ ქუთაისის 15 უბნის მონაცემები გამოაქვეყნა. აქედან 10 უბანზე გაერთიანებული ოპოზიციის კანდიდატი ნაციონალური მოძრაობიდან ხატია დეკანოიძე ლიდერობს.

2 ოქტომბერს, 20:00 საათზე სამი სხვადასხვა ეგზიტპოლის შედეგები გამოქვეყნდა, რომლებიც ერთმანეთისგან განსხვავებულ მონაცემებს აჩვენებს. კერძოდ, Edison Research და IPSOS ამბობს, რომ თბილისში მეორე ტური იქნება, ხოლო GORBI-ის ეგზიტპოლის მიხედვით კახა კალაძეს 51,3%-იანი მხარდაჭერა აქვს.