პრემიერ-მინისტრი ტერეზა მეი ოთხშაბათს, 29 მარტს ოფიციალურად შეატყობინებს ევროკავშირს, რომ დიდი ბრიტანეთისა და ჩრდილოეთ ირლანდიის გაერთიანებული სამეფო ბლოკს ტოვებს.

BBC-ის ცნობით, 50-ე მუხლის თანახმად, ბლოკიდან გასვლისა და მასთან სამომავლო ურთიერთობაზე მოლაპარაკებები დაუშვებელია, სანამ გაერთიანებული სამეფო ოფიციალურად არ ეტყვის EU-ს, რომ ტოვებს გაერთინებას. თუ ყველაფერი ამავე მუხლის მიხედვით წარიმართა, ბრექსიტი 2019 წლის მარტში მოხდება.

ბრექსიტის შესახებ რეფერენდუმის შემდეგ, რომელშიც გაერთიანებული სამეფოს მოსახლეობის 51,9 პროცენტმა ევროკავშირის დატოვებას დაუჭირა მხარი, ცხრა თვეა გასული.

EU-ს წარმომადგენელის თქმით, ბლოკი "მზადაა და ელოდება" წერილს.