ხელოვანის პატივსაცემად პარიზის ერთ-ერთი ღირსშესანიშნაობას, ტრიუმფალურ თაღს 25 000 კვადრატული მეტრის ფართობის თეთრი ქსოვილი გადააფარეს. მუშაობა შანზ-ელიზეზე კვირას დაიწყო და ტურისტული ატრაქციონი რამდენიმე დღით იქნება შეფუთული.

ფოტო: Getty Images

იდეა ბულგარელ ავტორს, კრისტოს ეკუთვნოდა, რომელიც პარიზში გასული საუკუნის 60-იან წლებში გადავიდა და ტრიუმფალური თაღის სიახლოვეს ცხოვრობდა. ის ცოლთან, ჯინ-კლოდთან ერთად მუშაობდა და ოცნებობდა, რომ 50-მეტრიან ძეგლთან ერთად სხვადასხვა ქვეყნის ღირსშესანიშნაობებზე თეთრი ნაჭერი გადაეფარა.

მან მუშაობისას იდეა რაიხსტაგზე და პარიზის ახალ ხიდზე განახორციელა, თუმცა ტრიუმფალური თაღის პროექტის დასრულება ვერ მოასწრო.

ახლა მისი იდეა ნათესავმა, ვლადიმირ იავაჩევმა განახორციელა, რაც ჯამში 14 მილიონი ევრო დაუჯდა. ვლადიმირმა პომპიდუს მუზეუმთან და საფრანგეთის მთავრობასთან ითანამშრომლა.

ინსტალაცია შაბათს, 18 სექტემბერს გაიხსნება და 3 ოქტომბრამდე იქნება წარმოდგენილი.

ფოტო: Getty Images

ტრიუმფალური თაღი 1800-იანი წლების დასაწყიში საფრანგეთის იმპერატორმა, ნაპოლეონ ბონაპარტემ ააშენა და იმ ჯარისკაცებს მიუძღვნა, რომლებიც მისი სამხედრო კამპანიების დროს დაიღუპნენ.

კრისტო გასული წლის მაისში ნიუ-იორკში გარდაიცვალა, მან მუშაობა 2009 წელს, ცოლის სიკვდილის შემდეგ შეწყვიტა.

ფოტო: Getty Images

ფოტო: Getty Images

ფოტო: Getty Images