თბილისის მერობის კანდიდატმა, კახა კალაძემ ჟურნალისტის კითხვის საპასუხოდ, ნარკოტესტების ჩაბარება ხომ არ არის კომპრომატებით ბრძოლა პოლიტიკოსებს შორის, თავად დასვა კითხვა:

"კომპრომატი რა შუაშია? გიორგი გახარია ნარკოდამოკიდებული ადამიანია?"

კალაძე ამბობს, რომ ოპონენტებს ნარკოტესტის ჩაბარებისკენ ჯანსაღი ცხოვრების წესის პოპულარიზაციისთვის მოუწოდა.

"მე მოვუწოდე, მეგონა, რომ ყველას მხრიდან იქნებოდა მხარდაჭერა. იმიტომ, რომ ჯანსაღი ცხოვრების წესის პოპულარიზაცია არის პრინციპულად მნიშვნელოვანი", — განაცხადა კახა კალაძემ.

კახა კალაძემ საარჩევნო კამპანიისას ნარკოტესტი ჩააბარა და მერობის სხვა კანდიდატებსაც იგივე მოუწოდა. ამის შემდეგ, მერობის კიდევ ერთმა კანდიდატმა, გიორგი გახარიამ ახლო მომავალში ნარკოტესტთან დაკავშირებით "საინტერესო ინფორმაციის განდობა" დააანონსა.

გაიგე მეტი: